Изјава за пристапност
Вовед
На Tinder, ние сме посветени на создавање и интегрирање на технологија што ги зближува луѓето на интуитивни, инклузивни и достапни начини за сите. Гордо служиме на глобална и разновидна заедница—прифаќајќи луѓе од сите возрасти, раси, родови, сексуални ориентации, потекла, способности и цели во врските. Ние ја демонстрираме таа посветеност на следниве начини:
Постојана обука за пристапност: Нашиот тим добива обука за најдобри практики за пристапност, која има за цел да им ги обезбеди на вработените потребните вештини за подобрување на инклузивноста и на нивото на усогласеност со тековните стандарди.
Усогласеност со глобалните стандарди за пристапност: Се стремиме да ги задоволиме потребите на сите наши членови така што имаме за цел да се усогласиме со воспоставените стандарди за пристапност, како што се Упатствата за веб-содржини W3C 2.2 ниво AA (WCAG 2.2 AA) и Европскиот хармонизиран стандард EN 301 549.
Редовно тестирање: Редовно ги тестираме услугите според најновите упатства за пристапност, како што се упатствата WCAG 2.2 AA, и правиме потребни ажурирања за да ја одржиме пристапноста.
Механизми за повратни информации: Воспоставивме канали преку кои корисниците можат да даваат повратни информации за проблемите со пристапноста и се стремиме брзо да ги решаваме случаите.
Свесни сме дека има уште многу работа што треба да се заврши: Се обврзуваме да продолжиме да работиме за да им помогнеме на сите, насекаде, да имаат можност да се поврзат, да припаѓаат и да градат значајни односи— без бариери, предрасуди или ексклузија.
Опис на услугата и мерки за поддршка на пристапноста
Tinder има мисија да создаде значајни врски за секој човек во светот. Нашата цел е да обезбедиме услугата да биде достапна во повеќе формати и да поддржуваме широк спектар потреби на корисниците. Имајќи ја предвид таа цел, се обидовме да преземеме повеќе мерки, вклучувајќи ги, меѓу другото, следниве:
Описи базирани на текст: Алтернативи за нетекстуална, информативна содржина и пишани информации достапни на едноставен јазик.
Аудиоподдршка: Раскажани описи за корисници со проблеми со видот.
Компатибилност со читачи на екрани: Услугите се функционални со популарните читачи на екрани.
Мултимедиумски алтернативи: Кога е применливо, на визуелните и на мултимедиумските содржини се додаваат титли, транскрипти, аудиоописи и алтернативен текст.
Функционалност за доволен контраст и зумирање: Обезбедување доволен контраст за визуелните елементи и скалирање на текстот за корисници со проблеми со видот.
Услугата се испорачува преку интерфејс што поддржува пристапност преку:
Едноставна навигација: Логични распореди со конзистентни наслови, обележја и навигација.
Пристапност преку тастатура: Функции со коишто може да се ракува преку тастатура.
Помош и поддршка: Водичи во достапни формати, онаму каде што е потребно.
Приспособливи подесувања: Повеќе опции за корисниците за персонализирање на подесувањата, како што е поддршка за промена на големината на текстот во подесувањата на мобилниот уред, во темите и во режимите на прикажување.
Постојано се стремиме да ја подобриме пристапноста преку обезбедување:
Согледлива содржина: Наша цел е да претставуваме визуелни и аудитивни информации на начини што се приспособливи на потреб ите на корисниците.
Функционален интерфејс: Продолжуваме да работиме за да обезбедиме низ услугите да може да се навигира преку тастатура и тие да бидат компатибилни со асистивните технологии.
Разбирлив дизајн: На нашиот интерфејс се користи јасен и едноставен јазик и се избегнува непотребна сложеност.
Сеопфатна содржина: Целта ни е да дизајнираме и градиме имајќи ја предвид компатибилноста на тековните и на идните асистивни технологии за корисниците.
Ограничувања и алтернативи
Иако се стремиме да обезбедиме пристапно искуство за сите корисници, може да има одредени ограничувања. Во некои случаи, можеби ќе треба да ја рестартирате апликацијата за да стане достапно ажурирањето за пристапност или двапати да допрете на фотографија за да зумирате или да одзумирате за одреден степен (како алтернатива на гестовите со штипење со повеќе прсти). Освен тоа, анимациите може да се запрат со исклучување на опциите за анимација во оперативниот систем. Доколку имате некакви проблеми, известете нè и ќе работиме на тоа да ви понудиме алтернативно решение.
Повратни информации и информации за контакт
Го поздравуваме вашето мислење за пристапноста на нашите услуги. Ако наидете на какви било пречки за пристапност, ве молиме контактирајте не преку нашиот Центар за помош или преку еден од методите директно подолу:
Поштенска адреса:
Ако живеете во Европската економска заедница, Обединетото Кралство или Швајцарија:
MTCH Technology Services Limited
Tinder
10 Earlsfort Terrace
Dublin 2, D01 T380 Ireland
Ако живеете на некое друго место:
Tinder LLC
P.O. Box 25472
Dallas, Texas, 75225