Die Moets en Moenies

Om die reis van jou lewe te hê, is daar 'n paar dinge wat jy moet weet.

Jy weet waarskynlik nou dat reis sonder Tinder is soos om sonder jou beursie te gaan uiteet — jy beperk jou ervaring en eindig met 'n mond wat water oor wat kon gewees het.

Gelukkig laat die toepassing jou toe om plaaslike inwoners by jou bestemming te ontmoet — en wie weet? Hulle kan jou 'n voorsmakie gee van die beste koffie wat jy ooit gehad het, of jou na die beste stil disko in die stad neem. En sou jy nie graag wou weet wat die top-pizzaplek volgens Ben, 24 en 'n regte New Yorker is nie? En terloops, Ben kom met super-koel vriende en die wagwoord tot die warmste "speakeasy" — dis een kontak wat jy nie wil misloop nie.

Maar om die reis van jou lewe met ons aan jou sy te hê, is daar 'n paar dinge wat jy moet weet. Volg hierdie wenke en moenie verbaas wees as jy vriende in uiteenlopende poskodegebiede opstapel nie.

Werk jou biografie by

Eerste dinge eerste: werk jou biografie by en laat almal weet dat jy aan die beweeg is. Jy kan die datums en stede waarheen jy reis, bo-aan jou gewone teks sit. Maar wees versigtig om nie te veel inligting te gee nie: nie net is persoonlike inligting soos 'n adres teen ons Gemeenskapsriglyne nie, dis ook nie veilig nie. Hou besonderhede soos die hotel waar jy tuisgaan tussen jou en mense wat jy goed ken.

Maak kontakte voor jy vertrek

Het jy 'n paspoort? Ongelooflik, maar dit sal jou nie hier help as dit nie deur Tinder uitgereik is nie. As jy 'n beplanner is, is dit die moeite werd om jou Tinder-paspoort te gebruik om jou potensiële pasmaats vooraf uit te kyk en ontmoetings te reël. Dis 'n uitstekende manier om 'n reisplan op te stel wat nuwe mense sowel as nuwe ervarings insluit. Om jou keuringsproses te begin, oorweeg die volgende: kan hierdie pasmaat 'n gesprek voer? Sal hulle pret en veilig wees om mee saam te kuier? En die belangrikste, sal hulle jou kosbare tyd in 'n nuwe stad werd wees? Dis alles vrae wat antwoorde verdien… gaan vind dit.

Ken die wette van die plek waar jy gaan wees

Van spoeg tot rook, jy sal verbaas wees oor wat in verskillende stede beskou word as 'n oortreding wat deur die wet strafbaar is. Sorg dat jy goed onderlê is in die wette van jou bestemming om 'n ernstige situasie te vermy wat jou reis kan ruïneer. As jy LGBTQ is, moet jy weet in watter lande homoseksualiteit strafbaar is. As jy na een van hierdie plekke reis, sal ons jou in kennis stel wanneer jy Tinder oopmaak en kan jy kies om jou profiel tydens jou verblyf privaat te maak.

Sien almal

As jy jou voorkeure verbreed, kan jy meer kontakte kry. Die verandering hoef nie permanent te wees nie, en dit is redelik maklik om aan te skakel: gaan na instellings en vra Tinder om vir jou almal te wys sodat jy soveel moontlik kontakte kan maak. Ontmoet vriende – ja, vriende met die potensiaal om iets meer te wees en bowenal, ontmoet die plaaslike mense.

Word gesien

Jy het 'n kontak gemaak en jy is gereed om in die werklike lewe in 'n nuwe stad te ontmoet. Ons is só ten gunste daarvan, maar ons het een ernstige versoek: ontmoet altyd in 'n openbare plek, of jy nou 45 km of 4 000 km weg is. Ons wil hê dat jy so sigbaar moet wees dat jy die Kardashians soos kluisenaars laat lyk. Ontmoet op plekke soos restaurante, museums, kroeë en koffiewinkels en reël altyd jou eie vervoer na en van die ontmoeting.

Deel profiele

Dis wat ons volwasse gedrag noem: stel jou veiligheid eerste en moenie jou kontakte geheim hou nie. Laat enige reisgenote weet waarheen jy gaan en saam met wie. As jy op 'n alleenreis is, kan jy by vriende tuis aanmeld en die inligting deel van die persoon wat jy ontmoet. Hoor wat hulle van jou afspraakmaat dink en geniet die gemoedsrus dat daar minstens iemand is wat weet saam met wie jy is.

Maak jou voornemens bekend

Laat mense weet hoe lank jy in die omgewing sal wees en watter tipe kontakte jy probeer maak, dan sal dinge vlot verloop wanneer jy verwagtinge moet hanteer. Is jy hier vir 'n lekker tyd, maar nie vir lank nie? Laat hulle weet sodat jy nie harte breek tydens jou reis nie.