តើមានអ្វីកើតឡើងបន្ទាប់ពីខ្ញុំរាយការណ៍?

អ្នកបានរាយការណ៍ពីមនុស្សម្នាក់នៅលើ Tinder។ ឥឡូវយ៉ាងម៉េចទៅ?

អ្នកបានធ្វើតាមការណែនាំរបស់យើងដោយប្រាប់យើងឲ្យបានដឹងនៅពេលមានអ្វីមួយមិនប្រក្រតី — ឥឡូវនេះដល់វេនរបស់ពួកយើងម្តង។ នេះជាអ្វីដែលត្រូវរំពឹងទុកបន្ទាប់ពីអ្នករាយការណ៍ពីនរណាម្នាក់នៅលើ Tinder៖

• គណនីជាក់លាក់នឹងមិនត្រូវបានបង្ហាញក្នុងបញ្ជីផ្គូផ្គងរបស់អ្នក ឬបង្ហាញនៅពេលអូសទៀតទេ

• គ្មានសេចក្តីលម្អិតណាមួយដែលអ្នកបានផ្តល់នឹងត្រូវបានចែករំលែកជាមួយមនុស្សដែលអ្នកបានរាយការណ៍នោះទេ

• សមាជិកនៃក្រុមទំនុកចិត្ត និងសុវត្ថិភាពរបស់យើងនឹងពិនិត្យមើលបញ្ហានេះ ដើម្បីកំណត់ជំហានបន្ទាប់ និងចាត់វិធានការដោយផ្អែកលើគោលការណ៍ណែនាំសម្រាប់អ្នកប្រើប្រាស់របស់យើង

• ប្រសិនបើអ្នកបានដាក់បញ្ជូនការរាយការណ៍តាមរយៈអ៊ីមែល អ្នកអាចឆ្លើយតបទៅនឹងការឆ្លើយតបដោយស្វ័យប្រវត្តិដើម្បីតាមដាន

ដោយសារគោលការណ៍ណែនាំអំពីឯកជនភាព ទោះពេលខ្លះយើងមិនអាចចែករំលែកព័ត៌មានលម្អិតនៃរបាយការណ៍ជាមួយអ្នក តែយើងចង់ឲ្យអ្នកដឹងថារាល់របាយការណ៍ទាំងអស់នឹងត្រូវបានយកចិត្តទុកដាក់ និងដោះស្រាយយ៉ាងយកចិត្តទុកដាក់។

ការចែករំលែកបទពិសោធន៍របស់អ្នកមិនមែនជារឿងងាយស្រួលជានិច្ចនោះទេ ហើយយើងសូមវាយតម្លៃខ្ពស់ពេលដែលអ្នកបានចូលរួមចែករំលែក។ ប្រសិនបើអ្នកត្រូវការជំនួយបន្ថែមបន្ទាប់ពីការរាយការណ៍ អ្នកអាចស្វែងរកធនធានជំនួយនៅទីនេះ។