គោលការណ៍ឯកជនភាព
តើអ្នករស់នៅរដ្ឋកាលីហ្វ័រញ៉ាឬទេ? សូមមើលសេចក្ដីថ្លែងការណ៍អំពីឯកជនភាពរដ្ឋកាលីហ្វ័រញ៉ារបស់យើង ដែលបំពេញបន្ថែមលើគោលការណ៍ឯកជនភាពនេះ។
អ្នករស់នៅរដ្ឋវ៉ាស៊ីនតោន និងណេវ៉ាដា សូមមើលគោលការណ៍ឯកជនភាពស្ដីពីទិន្នន័យសុខភាពអ្នកប្រើប្រាស់របស់យើង ដែលបំពេញបន្ថែមលើគោលការណ៍ឯកជនភាពនេះ។
សួស្តី! សូមស្វាគមន៍មកកាន់គោលការណ៍ឯកជនភាពរបស់ Tinder។
យើងដឹងថាអ្នកគ្រប់គ្នាប្រហែលជា មិនគិតថាការអានគោលការណ៍ឯកជនភាពជាការចំណាយពេលវេលាដែលល្អនោះទេ ប៉ុន្តែសូមស្តាប់ពួកយើងសិន។ យើងប្រឹងប្រែងយ៉ាងខ្លាំងក្នុងការធ្វើឱ្យគោលការណ៍នេះមានភាពច្បាស់លាស់ និងទាក់ទាញតាមដែលអាចធ្វើទៅបាន ពីព្រោះយើងពិតជាចង់ឱ្យអ្នកអានវា! សូមគិតថាយើងជាមិត្តឌីជីថលរបស់អ្នក ហើយយើងនៅទីនេះដើម្បីណែនាំផ្លូវចូល និងផ្លូវចេញដល់អ្នកទាក់ទងនឹងទិន្នន័យដែលយើងប្រមូល ព្រមទាំងមូលហេតុ និងរបៀបដែលយើងប្រើទិន្នន័យនោះ។ ដូច្នេះសូមសម្រួលឥរិយាបថ យកភេសជ្ជៈដែលអ្នកចូលចិត្ត ហើយតស់ស្វែងយល់អំពីឯកជនភាពទាំងអស់គ្នា។
គោលការណ៍ឯកជនភាពនេះអនុវត្តចាប់ពីថ្ងៃទី 31 ខែមីនា ឆ្នាំ 2026។ កំណែមុននៃគោលការណ៍ឯកជនភាពដែលមាននៅទីនេះ អនុវត្តរហូតដល់ពេលនោះ។
1. ពួកយើងជានរណា
ប្រសិនបើអ្នករស់នៅក្នុងតំបន់សេដ្ឋកិច្ចអឺរ៉ុប (“EEA”) ចក្រភពអង់គ្លេស ឬស្វ៊ីស ក្រុមហ៊ុនដែលទទួលខុសត្រូវចំពោះទិន្នន័យរបស់អ្នក (“អ្នកគ្រប់គ្រងទិន្នន័យ”) គឺ៖
MTCH Technology Services Limited
Tinder
1 Hatch Street Upper
Dublin 2
D02 PY28
Ireland
ប្រសិនបើអ្នករស់នៅក្នុងប្រទេសជប៉ុន ក្រុមហ៊ុនដែលទទួលខុសត្រូវចំពោះទិន្នន័យរបស់អ្នកគឺ៖
MG Japan Services GK
4F Sumitomo Fudosan Azabu Bldg
1-4-1 Mita
Minato-ku, Tokyo 108-0073
Japan
ប្រសិនបើអ្នករស់នៅក្រៅតំបន់សេដ្ឋកិច្ចអឺរ៉ុប ចក្រភពអង់គ្លេស ស្វ៊ីស និងជប៉ុន ក្រុមហ៊ុនដែលទទួលខុសត្រូវចំពោះទិន្នន័យរបស់អ្នកគឺៈ
Tinder, LLC
8750 North Central Expressway
Suite 1400
Dallas, TX 75231
United States
2. គោលការណ៍ឯកជនភាពនេះអនុវត្តនៅកន្លែងណា
គោលការណ៍ឯកជនភាពនេះអនុវត្តចំពោះគេហទំព័រ កម្មវិធី ព្រឹត្តិការណ៍ និងសេវាកម្មផ្សេងៗទៀតដែលយើងដំណើរការក្រោមម៉ាក Tinder។ មិនថាអ្នកកំពុងស្វែងរកដៃគូជីវិតរបស ់អ្នក ចូលរួមជាមួយយើងនៅក្នុងព្រឹត្តិការណ៍ណាមួយរបស់យើង ឬប្រើប្រាស់សេវាកម្មដ៏អស្ចារ្យផ្សេងទៀតរបស់យើងទេ គោលការណ៍នេះអាចជួយអ្នកបាន។ ដើម្បីភាពងាយស្រួល យើងគ្រាន់តែហៅអ្វីៗទាំងអស់នេះថា “សេវាកម្ម” របស់យើង នៅក្នុងគោលការណ៍ឯកជនភាពនេះ។
ប្រសិនបើដោយហេតុផលណាមួយ សេវាកម្មណាមួយរបស់យើងតម្រូវឱ្យមានគោលការណ៍ឯកជនភាពដាច់ដោយឡែករបស់វា នោះគោលការណ៍នោះនឹងត្រូវបានផ្តល់ជូនអ្នក ហើយគោលការណ៍នោះ -- មិនមែនគោលការណ៍ឯកជនភាពនេះទេ -- នឹងត្រូវអនុវត្ត។
3. ទិន្នន័យដែលយើងប្រមូល
ជាការពិតណាស់ យើងមិនអាចជួយអ្នកបង្កើតទំនាក់ទំនងដ៏មានអត្ថន័យបានទេ បើអ្នកមិនផ្តល់ព័ត៌មានមួយចំនួនអំពីខ្លួនអ្នក ដូចជាព័ត៌មានប្រូហ្វាល់ជាមូលដ្ឋាន និងប្រភេទមនុស្សដែលអ្នកចង់ជួប។ ការប្រើប្រាស់សេវាកម្មរបស់យើងក៏បង្កើតព័ត៌មានមួយចំនួនផងដែរ ដូចជាពេលវេលាដែលអ្នកបានចូល និងរបៀបដែលអ្នកបានប្រើប្រាស់សេវាកម្ម ក៏ដូចជាស្ថិតិវិភាគ និងការសន្និដ្ឋានដែលយើងបង្កើតដោយផ្អែកលើខ្លឹមសារដែលអ្នកផ្តល់ជូន។ យើងក៏ប្រមូលទិន្នន័យពីភាគីទីបីផងដែរ ដូចជានៅពេលដែលអ្នកចូលប្រើសេវាកម្មតាមរយៈគណនីដែលអ្នកមាននៅលើប្រព័ន្ធផ្សេងទៀត (ឧ. Facebook, Google ឬ Apple) ឬនៅពេលដែលអ្នកបញ្ចូលព័ត៌មានពីគណនីរបស់អ្នកនៅលើប្រព័ន្ធផ្សេងទៀត ដើម្បីបំពេញប្រូហ្វាល់របស់អ្នក។ ប្រសិនបើអ្នកចាប់អារម្មណ៍អំពីព័ត៌មានលម្អិតទាំងអស់ សូមពិនិត្យមើលតារាងខាងក្រោម។
ទិន្នន័យដែលអ្នកផ្តល់ឲ្យយើង | |
ប្រភេទ | ការពណ៌នា |
ទិន្នន័យគណនី | នៅពេលអ្នកបង្កើតគណនីមួយ អ្នកផ្តល់ឲ្យយើងនូវព័ត៌មានមូលដ្ឋានសម្រាប់គណនីរបស់អ្នក ដូចជា លេខទូរសព្ទ អាសយដ្ឋានអ៊ីមែល និងថ្ងៃខែឆ្នាំកំណើត។ |
ទិន្នន័យប្រូហ្វាល់ | នៅពេលអ្នកបំពេញប្រូហ្វាល់របស់អ្នក អ្នកចែករំលែកព័ត៌មានលម្អិតបន្ថែមអំពីអ្នក ដូចជា ភេទ ចំណាប់អារម្មណ៍ ចំណូលចិត្ត ទីតាំងប្រហាក់ប្រហែលជាដើម។ ទិន្នន័យមួយចំនួននេះអាចត្រូវបានចាត់ទុកថាជាទិន្នន័យរសើប ឬពិសេសនៅក្នុងប្រទេសមួយចំនួន ដូចជាព័ត៌មានលម្អិតអំពីទំនោរផ្លូវភេទ ជីវិតផ្លូវភេទ សុខភាព ឬជំនឿនយោបាយជាដើម។ ប្រសិនបើអ្នកជ្រើសរើសផ្តល់ទិន្នន័យនេះ អ្នកយល់ព្រមឱ្យយើងប្រើប្រាស់វាដូចដែលបានចែងក្នុងគោលការណ៍ឯកជនភាពនេះ។ |
ខ្លឹមសារ | នៅពេលអ្នកប្រើប្រាស់សេវាកម្មរបស់យើង អ្នកចែករំលែករូបថត វីដេអូ សំឡេង អត្ថបទ និងប្រភេទខ្លឹមសារផ្សេងទៀត ដូចជាសំណួរស្វែងរក ឬការជជែករបស់អ្នកជាមួយសមាជិកផ្សេងៗទៀត។ |
ទិន្នន័យការទិញ | នៅពេលអ្នកធ្វើការទិញ ឬស្នើសុំការសងប្រាក់វិញ យើងរក្សាទុកព័ត៌មានលម្អិតនៃប្រត ិបត្តិការនោះ (ឧ. អ្វីដែលអ្នកបានទិញ កាលបរិច្ឆេទនៃប្រតិបត្តិការ និងតម្លៃ)។ ទិន្នន័យច្បាស់លាស់អាស្រ័យលើវិធីបង់ប្រាក់ដែលអ្នកជ្រើសរើស។ នៅពេលអ្នកបង់ប្រាក់ដោយផ្ទាល់ជាមួយយើង (ជាជាងតាមរយៈប្រព័ន្ធដូចជា iOS ឬ Android) អ្នកផ្តល់លេខកាតឥណពន្ធ ឬកាតឥណទាន ឬព័ត៌មានហិរញ្ញវត្ថុផ្សេងទៀតរបស់អ្នក។ |
ទិន្នន័យទីផ្សារ ស្ទង់មតិ និងស្រាវជ្រាវ | ពេលខ្លះយើងរៀបចំ (i) ការស្ទង់មតិ ក្រុមតំណាង ឬការសិក្សាទីផ្សារសម្រាប់គោលបំណងស្រាវជ្រាវ និង (ii) ការផ្សព្វផ្សាយ ព្រឹត្តិការណ៍ ឬការប្រកួតប្រជែងសម្រាប់គោលបំណងធ្វើទីផ្សារ។ នៅពេលអ្នកជ្រើសរើសចូលរួម អ្នកផ្តល់ឱ្យយើងនូវព័ត៌មានដើម្បីដំណើរការការបញ្ចូល និងការចូលរួមរបស់អ្នក ក៏ដូចជាចម្លើយរបស់អ្នកចំពោះសំណួរ និងមតិកែលម្អរបស់អ្នក។ |
ទិន្នន័យភាគីទីបី | នៅពេលអ្នកជ្រើសរើសចែករំលែកព័ ត៌មានអំពីអ្នកដទៃជាមួយយើង (ឧទាហរណ៍ ប្រសិនបើអ្នកប្រើប្រាស់ព័ត៌មានទំនាក់ទំនងរបស់នរណាម្នាក់ដែលអ្នកស្គាល់ សម្រាប់មុខងារដែលបានផ្តល់ឱ្យ ឬប្រសិនបើអ្នកដាក់បញ្ជូនសំណួរ ឬការរាយការណ៍ដែលពាក់ព័ន្ធនឹងសមាជិកណាម្នាក់) យើងដំណើរការទិន្នន័យនេះក្នុងនាមអ្នក ដើម្បីបំពេញសំណើរបស់អ្នក។ សម្រាប់ព័ត៌មានបន្ថែមអំពីមុខងារ "មិត្តភក្តិរួមគ្នា" សូមមើលនៅទីនេះ ហើយអ្នកអាចស្វែងយល់បន្ថែមអំពីរបៀបដែល Tinder ដំណើរការព័ត៌មានរបស់អ្នកផ្សេងដែលមិនមែនជាសមាជិកនៅទីនេះ។ |
ទិន្នន័យជំនួយអតិថិជន | នៅពេលអ្នកទាក់ទងមកយើងខ្ញុំ អ្នកផ្តល់ព័ត៌មានដែលអាចនឹងចាំបាច់ដើម្បីជួយឆ្លើយសំណួររបស់អ្នក។ អ្នកផ្សេងទៀតក៏អាចដាក់បញ្ជូនសំណួរ ឬការរាយការណ៍ដែលពាក់ព័ន្ធនឹងអ្នកបានផងដែរ។ ជាចុងក្រោយ ក្ រុមការងារនិងឧបករណ៍សម្របសម្រួលរបស់យើង អាចប្រមូលទិន្នន័យបន្ថែមជាផ្នែកមួយនៃការស៊ើបអង្កេតរបស់ពួកគេ។ ក្នុងករណីណាដែលត្រូវបានអនុញ្ញាតតាមផ្លូវច្បាប់ យើងក៏អាចទទួលបានព័ត៌មានអំពីជនសង្ស័យ ឬជនទុច្ចរិតដែលត្រូវបានបញ្ជាក់អះអាង ពីភាគីទីបី ដែលជាផ្នែកមួយនៃកិច្ចខិតខំប្រឹងប្រែងរបស់យើងដើម្បីធានាសុវត្ថិភាព និងសន្តិសុខនៃសមាជិករបស់យើង។ |
ទិន្នន័យបណ្ត ាញសង្គម | អ្នកសម្រេចចិត្តចែករំលែកទិន្នន័យជាមួយយើង តាមរយៈគណនីរបស់អ្នកនៅលើប្រព័ន្ធផ្សេងទៀត (ឧ. Facebook, Instagram, Spotify, Apple, LinkedIn) ឧទាហរណ៍ ប្រសិនបើអ្នកសម្រេចចិត្តបង្កើត និងចូលទៅក្នុងគណនីរបស់អ្នកតាមរយៈប្រព័ន្ធទាំងនេះ ឬប្រសិនបើអ្នកសម្រេចចិត្តបង្ហោះទិន្នន័យដូចជា រូបថត ឬបញ្ជីចាក់ ចូលទៅសេវាកម្មរបស់យើងពីប្រព័ន្ធទាំងនេះ។ |
ទិន្នន័យដែលបានបង្កើត ឬប្រមូលដោយស្វ័យប្រវត្តិ | |
ប្រភេទ | ការពណ៌នា |
ទិន្នន័យប្រើប្រាស់ | ការប្រើប្រាស់សេវាកម្មនេះបង្កើតទិន្នន័យអំពីសកម្មភាពរបស់អ្នក រួមទាំងរបៀបដែលអ្នកប្រើប្រាស់វា (ឧ. នៅពេលដែលអ្នកបានចូល មុខងារដែលអ្នកបានប្រើប្រាស់ សកម្មភាពដែលបានធ្វើឡើង ព័ត៌មានដែលបង្ហាញដល់អ្នក ទំព័រគេហទំព័រដែលបញ្ជូនបន្ត ការផ្សាយពាណិជ្ជកម្មដែលអ្ នកបានធ្វើអន្តរកម្មជាមួយ) និងរបៀបដែលអ្នកធ្វើអន្តរកម្មជាមួយអ្នកដទៃ (ឧទាហរណ៍ ការស្វែងរក ការផ្គូផ្គង ការធ្វើទំនាក់ទំនង)។ យើងក៏ទទួលបានទិន្នន័យដែលទាក់ទងនឹងអន្តរកម្មដែលអ្នកមានជាមួយពាណិជ្ជកម្មរបស់យើងនៅលើគេហទំព័រ ឬកម្មវិធីរបស់ភាគីទីបីផងដែរ ប្រសិនបើមាន។ |
ទិន្នន័យបច្ចេកទេស | ការប្រើប្រាស់សេវាកម្មនេះពាក់ព័ន្ធនឹងការប្រមូលទិន្នន័យពី និងអំពីឧបករណ៍ដែលអ្នកប្រើដើម្បីចូលប្រើសេវាកម្មរបស់យើង រួមទាំងព័ត៌មានផ្នែករឹង និងកម្មវិធីដូចជាអាសយដ្ឋាន IP ប្រភេទឧបករណ៍ លេខសម្គាល់ឧបករណ៍ ប្រព័ន្ធប្រតិបត្តិការ និងការកំណត់រចនាសម្ព័ន្ធ ព័ត៌មានបណ្តាញ ចលនាឧបករណ៍ និងទិន្នន័យឧបករណ៍ចាប់សញ្ញា ក៏ដូចជាការកំណត់ និងលក្ខណៈកម្មវិធី ការគាំងកម្មវិធី លេខសម្គាល់ការផ្សាយពាណិជ្ជកម្ម និងឧបករណ៍កំណត់អត្តសញ្ញាណដែលទាក់ទងនឹងខូឃីស៍ ឬបច្ចេក វិទ្យាផ្សេងទៀតដែលអាចកំណត់អត្តសញ្ញាណឧបករណ៍ ឬកម្មវិធីរុករកតាមអ៊ីនធឺណិតប្លែក។ សម្រាប់ព័ត៌មានបន្ថែមអំពីខូឃីស៍ សូមមើលគោលការណ៍ខូឃីស៍របស់យើង។ |
ស្ថិតិវិភាគ និងកាការសន្និដ្ឋាន | ការប្រើប្រាស់សេវាកម្មនេះពាក់ព័ន្ធនឹងការបង្កើតស្ថិតិវិភាគ និងកាការសន្និដ្ឋាន ដែលដកស្រង់ចេញពីអន្តរកម្មរបស់អ្នក និងព័ត៌មាន និងខ្លឹមសារដែលអ្នកផ្តល់ ដោយឆ្លុះបញ្ចាំង ឧទាហរណ៍ ចំណង់ចំណូលចិត្ត លក្ខណៈ ទំនោរចិត្ត ឥរិយាបថ និងអាកប្បកិរិយារបស់អ្នក។ |
ទិន្នន័យផ្សេងទៀតដែលយើងប្រមូល | |
ប្រភេទ | ការពណ៌នា |
ទិន្នន័យទីតាំងភូមិសាស្ត្រ | ប្រសិនបើអ្នកផ្តល់ការអនុញ្ញាតដល់យើង យើងអាចប្រមូលទីតាំងភូមិសាស្ត្ររបស់អ្នក (រយៈទទឹង និងរយៈបណ្តោយ) ពីឧបករណ៍របស ់អ្នក។ ប្រសិនបើអ្នកបដិសេធការអនុញ្ញាត មុខងារមួយចំនួនដែលពឹងផ្អែកលើទីតាំងភូមិសាស្ត្រជាក់លាក់នឹងមិនមានផ្ដល់ជូនអ្នកទេ។ |
ទិន្នន័យមុខ | អ្នកអាចជ្រើសរើសចូលរួមក្នុងមុខងារមួយចំនួនរបស់យើងដូចជាការផ្ទៀងផ្ទាត់រូបថត ការពិនិត្យរូបថត ឬការផ្ទៀងផ្ទាត់រូបថត + អត្តសញ្ញាណប័ណ្ណ ដែលពាក់ព័ន្ធនឹងការប្រមូលទិន្នន័យធរណីមាត្រមុខ ដែលអាចត្រូវបានចាត់ទុកថាជាទិន្នន័យជីវមាត្រនៅក្នុងដែនសមត្ថកិច្ចមួយចំនួន។ សូមចូលទៅកាន់តំណភ្ជាប់ទាំងនេះ ដើម្បីស្វែងយល់បន្ថែមអំពីរបៀបដែលយើងដំណើរការទិន្នន័យធរណីមាត្រមុខរបស់អ្នក សម្រាប់ការផ្ទៀងផ្ទាត់រូបថត ការពិនិត្យរូបថត និង កការផ្ទៀងផ្ទាត់រូបថត + អត្តសញ្ញាណប័ណ្ណ។ ប្រសិនបើអ្នកប្រើ Tinder នៅក្នុងតំបន់ដែលតម្រូវឱ្យមាន "ការស្គែនមុខ" ឬប្រសិនបើអ្នកប្រើ Tinder នៅលើគេហទំព័រ អ្នកអាចស្វែងយល់បន្ថែមអំពីដំណើរការនៃ "ការស្គែនមុខ" នៅទីនេះ ។ |
ទិន្នន័យអត្តសញ្ញាណ | អ្នកអាចផ្តល់ឱ្យយើងនូវច្បាប់ចម្លងនៃអត្តសញ្ញាណប័ណ្ណដែលចេញដោយរដ្ឋាភិបាលរបស់អ្នក ដើម្បីជួយយើងពិនិត្យមើលថាតើអ្នកជានរណា។ |
4. មូលហេតុ និងរបៀបដែលយើងប្រើទិន្នន័យរបស់អ្នក
មូលហេតុចម្បងដែលយើងដំណើរការទិន្នន័យរបស់អ្នកគឺដើម្បីផ្តល់សេវាកម្មរបស់យើងដល់អ្នក និងកែលម្អវាតាមពេលវេលា។ វារាប់បញ្ចូលទាំងការភ្ជាប់ទំនាក់ទំនងអ្នកជាមួយសមាជិកផ្សេងទៀត ដែលអាចនឹងធ្វើឱ្យអ្នករំភើប កំណត់បទពិសោធន៍ផ្ទាល់ខ្លួនរបស់អ្នក និងជួយអ្នកឱ្យទទួលបានអត្ថប្រយោជន៍ច្រើនបំផុតពីសេវាកម្មរបស់យើង។ យើងក៏ដំណើរការទិន្នន័យរបស់អ្នកផងដែរ ដើម្បីរក្សាសន្តិសុខសុវត្ថិភាពសេវាកម្មរបស់យើង អ្នក និងអ្នកផ្សេងទៀត។ យើងយកចិត្តទុកដាក់យ៉ាងខ្លាំងចំពោះភារកិច្ចនេះ ហើយតែងតែយើងតែងតែធ្វើការកែលម្អប្រព័ន្ធ និងដំណើរការរបស់យើង ដើម្បីជួយរក្សាសន្តិសុខសុវត្ថិភាព។ ពិតមែនហើយ យើងដំណើរការទិន្នន័យរបស់អ្នក ដើម្បីបង្ហាញការផ្សាយពាណិជ្ជកម្មដែលពាក់ព័ន្ធ តែអ្នកអាចគ្រប់គ្រងវាបាននៅក្នុងការកំណត់របស់អ្នក។ សូមអានបន្តទៀតសម្រាប់ការពន្យល់កាន់តែលម្អិតជាងនេះទៀត។
សម្រាប់ព័ត៌មានអំពីរបៀបដែលយើងដំណើរការទិន្នន័យផ្ទាល់ខ្លួនតាមរយៈ “ការចងក្រងប្រូហ្វាល់” និង “ការធ្វើសេចក្តីសម្រេចចិត្តដោយស្វ័យប្រវត្តិ” សូមមើលសំណួរដែលគេច្រើនសួររបស់យើង។
គោលបំណងនៃការដំណើរការទិន្នន័យរបស់អ្នក | មូលដ្ឋានសម្រាប់ការដំណើរការទិន្នន័យរបស់អ្នក | ប្រភេទទិន្នន័យដែលបានដំណើរការ (ពួកវាត្រូវបានពណ៌នានៅក្នុងផ្នែកទី 3 នៃគោលការណ៍នេះ) |
ដើម្បីឱ្យអ្នកអាចប្រើប្រាស់សេវាកម្មរបស់យើងបាន រាប់បញ្ចូលទាំង៖ ការបង្កើត និងរក្សាគណនី និងប្រូហ្វាល់របស់អ្នកនៅលើសេវាកម្មរបស់យើង ការធ្វើឱ្យដំណើរការ និងរក្សាមុខងារផ្សេងៗនៅលើសេវាកម្មរបស់យើង ការណែនាំសមាជិកផ្សេងទៀតឱ្យអ្នក និងណែនាំអ្នកទៅពួកគេវិញ ការរៀបចំការចាប់ឆ្នោត និងការប្រកួតប្រជែង ការឆ្លើយតបទៅនឹងសំណើ និងសំណួររបស់អ្នក ការតាមដានដំណើរការល្អនៃសេវាកម្មរបស់យើង និងការដោះស្រាយ និងកែបញ្ហាតាមតម្រូវការ ការដំណើរការពាក្យស្នើសុំរបស់អ្នកដើម្បីចូលរួមក្នុងសេវាកម្មលំដាប់ខ្ពស់/លំដាប់ VIP ណាមួយរបស់យើង | ការអនុវត្តកិច្ចសន្យារបស់យើងជាមួយអ្នក ការយល់ព្រមរបស់អ្នក (ដែលទិន្នន័យរសើប ឬប្រភេទទិន្នន័យផ្សេងទៀតដែលត្រូវការការយល់ព្រមត្រូវបានដំណើរការ) | ទិន្នន័យគណនី ទិន្នន័យប្រូហ្វាល់ ខ្លឹមសារ ទិន្នន័យការទិញ ទិន្នន័យទីផ្សារ ស្ទង់មតិ និងស្រាវជ្រាវ ទិន្នន័យភាគីទីបី ទិន្នន័យជំនួយអតិថិជន ទិន្នន័យបណ្តាញសង្គម ទិន្នន័យប្រើប្រាស់ ទិន្នន័យបច្ចេកទេស ស្ថិតិវិភាគ និងកាការសន្និដ្ឋាន ទិន្នន័យទីតាំងភូមិសាស្ត្រ ទិន្នន័យមុខ |
ដើម្បីឱ្យអ្នកអាចធ្វើការទិញផ្សេងៗនៅលើសេវា កម្មរបស់យើង រាប់បញ្ចូលទាំង៖ ការដំណើរការការទូទាត់ ការផ្តល់ជូនការបញ្ចុះតម្លៃ និងប្រូម៉ូសិន ការកំណត់តម្លៃតាមបំណង | ការអនុវត្តកិច្ចសន្យារបស់យើងជាមួយអ្នក ចំណាប់អារម្មណ៍ស្របច្បាប់របស់យើង៖ វាគឺជាចំណាប់អារម្មណ៍ស្របច្បាប់របស់យើងក្នុងការផ្តល់ជូននូវការបញ្ចុះតម្លៃ និងការផ្សព្វផ្សាយផ្សេងៗ និងប្តូរតម្លៃទៅតាមតំបន់ ដែលត្រូវបានច្បាប់អនុញ្ញាត | ទិន្នន័យគណនី ទិន្នន័យប្រូហ្វាល់ ទិន្នន័យបច្ចេកទេស ទិន្នន័យការទិញ ទិន្នន័យប្រើប្រាស់ ស្ថិតិវិភាគ និងកាការសន្និដ្ឋាន |
ដើម្បីដំណើរការយុទ្ធនាការផ្សាយពាណិជ្ជកម្ម និងធ្វើទីផ្សារ រាប់បញ្ចូលទាំង៖ ការអនុវត្ត និងការវាស់ស្ទង់ប្រសិទ្ធភាពនៃយុទ្ធនាការផ្សាយពាណិជ្ជកម្មដែលធ្វើឡើងនៅលើសេវាកម្មរបស់យើង ការអនុវត្ត និងការវាស់ស្ទង់ប្រសិទ្ធភាព នៃយុទ្ធនាការធ្វើទីផ្សារ ដែលផ្សព្វផ្សាយសេវាកម្មរបស់យើងផ្ទាល់នៅលើថ្នាលកម្មវិធីរបស់ភាគីទីបី ការប្រាស្រ័យទាក់ទងជាមួយអ្នកអំពីផលិតផល និងសេវាកម្មដែលយើងជឿជាក់ថាអ្នកអាចនឹងចាប់អារម្មណ៍ | ការយល់ព្រម (ដែលត្រូវបានតម្រូវដោយយោងតាមច្បាប់ជាធរមាន) និងតាមផលប្រយោជន៍ស្របច្បាប់របស់យើង។ វាគឺជាផលប្រយោជន៍ស្របច្បាប់របស់យើងក្នុងការផ្សព្វផ្សាយសេវាកម្មរបស់យើង និងបង្ហាញការផ្សាយពាណិជ្ជកម្មដល់សមាជិករបស់យើង ទៅតាមចំណាប់អារម្មណ៍របស់ពួកគេ ដែលជាវិធីមួយដើម្បីកែលម្អបទពិសោធន៍របស់ពួកគេ និងជួយផ្តល់មូលនិធិដល់ផ្នែកខ្លះនៃសេវាកម្មរបស់យើងដែលមិនបានគិតប្រាក់ | ទិន្នន័យគណនី ទិន្នន័យប្រូហ្វាល់ ទិន្នន័យប្រើប្រាស់ ទិន្នន័យទីផ្សារ ស្ទង់មតិ និងស្រាវជ្រាវ ទិន្នន័យបច្ចេកទេស ស្ថិតិវិភាគ និងកាការសន្និដ្ឋាន |
ដើម្បីកែលម្អ សេវាកម្មរបស់យើង និងបង្កើតមុខងារ និងសេវាកម្មថ្មីៗ រាប់បញ្ចូលទាំង៖ ការដំណើរការក្រុមតំណាង ការសិក្សាទីផ្សារ និងការស្ទង់មតិ ការវិភាគពីរបៀបដែលសេវាកម្មរបស់យើងត្រូវបានប្រើប្រាស់ ការវាយតម្លៃការប្រាស្រ័យទាក់ទងជាមួយក្រុមការងារផ្នែកថែទាំអតិថិជន ដើម្បីបង្កើនគុណភាពសេវាកម្ម ការបង្កើត និងកែលម្អមុខងារ និងសេវាកម្មថ្មីៗ រួមទាំងតាមរយៈការរៀនសូត្ររបស់ម៉ាស៊ីន និងបច្ចេកវិទ្យាផ្សេងៗទៀត ហើយសាកល្បងពួកវា ការស្រាវជ្រាវ និងការបោះពុម្ពផ្សាយឯកសារស្រាវជ្រាវ | ការអនុវត្តកិច្ចសន្យារបស់យើងជាមួយអ្នក ផលប្រយោជន៍ស្របច្បាប់របស់យើង៖ វាគឺជាផលប្រយោជន៍ស្របច្បាប់របស់យើងក្នុងការកែលម្អសេវាកម្មរបស់យើងទៅតាមពេលវេលា ការយល់ព្រមដែលត្រូវបានតម្រូវក្រោមច្បាប់ជាធរមាន (ឧ. យើងអាចនឹងដំណើរការទិន្នន័យដែលត្រូវបានចាត់ទុកថាមានលក្ខណៈរសើ ប ឬពិសេសនៅក្នុងប្រទេសមួយចំនួន ដើម្បីជួយធ្វើឱ្យប្រាកដថាសហគមន៍ផ្សេងៗដែលប្រើប្រាស់សេវាកម្មរបស់យើងត្រូវបានប្រព្រឹត្តដាក់ដោយយុត្តិធម៌ និងប្រកបដោយសមធម៌ ហើយថាសេវាកម្មរបស់យើងនៅតែមានភាពចម្រុះ និងប្រកបដោយបរិយាបន្ន) | ទិន្នន័យគណនី ទិន្នន័យប្រូហ្វាល់ ខ្លឹមសារ ទិន្នន័យការទិញ ទិន្នន័យទីផ្សារ ស្ទង់មតិ និងស្រាវជ្រាវ ទិន្នន័យភាគីទីបី ទិន្នន័យជំនួយអតិថិជន ទិន្នន័យបណ្តាញសង្គម ទិន្នន័យប្រើប្រាស់ ទិន្នន័យបច្ចេកទេស ស្ថិតិវិភាគ និងកាការសន្និដ្ឋាន |
ដើម្បីឱ្យអ្នក និងសមាជិកផ្សេងទៀតមានសុវត្ថិភាពនៅលើសេវាកម្មរបស់យើង និងនៅទូទាំង Match Group ដោយរាប់បញ្ចូលទាំង៖ ការទប់ស្កាត់ ចាប់ និងប្រយុទ្ធប្រឆាំងនឹងការបំពានលើលក្ខខណ្ឌរបស់យើង ការក្លែងបន្លំ និងសកម្មភាពខុសច្បាប់ ឬគ្មានការអនុញ្ញាតផ្សេងៗ ការបង្កើត និងកែលម្អឧបករណ៍ដើម្បីទប់ស្កាត់ ចាប់ និងប្រយុទ្ធប្រឆាំងនឹងការបំពានលើលក្ខខណ្ឌរបស់យើង ការក្លែងបន្លំ និងសកម្មភាពខុសច្បាប់ ឬគ្មានការអនុញ្ញាតផ្សេងៗ ការទប់ស្កាត់ការកើតឡើងដដែលៗ ជាពិសេសដោយការទប់ស្កាត់បុគ្គលដែលបំពានលក្ខខណ្ឌរបស់យើង មិនឱ្យបង្កើតគណនីថ្មីបាន ជូនដំណឹងដល់បុគ្គលប្រាប់ថាយើងបានធ្វើអ្វីខ្លះ ឬផ្សព្វផ្សាយអំពីហានិភ័យសុវត្ថិភាពដែលយើងបានកំណត់អត្តសញ្ញាណ ការផ្ទៀងផ្ទាត់អត្តសញ្ញាណរបស់អ្នក ធានាសុវត្ថិភាពលើការទូទាត់ និងការប្រយុទ្ធប្រឆាំងនឹងការក្លែងបន្លំផ្នែកហិរញ្ញវត្ថុ សម្រាប់ព័ត៌មានបន្ថែមអំពីសុវត្ថិភាព សុចរិតភាព និងសន្តិសុខជាទូទៅ សូមមើលគន្លឹះសុវត្ថិភាព និងគោលការណ៍ណែនាំសហគមន៍របស់យើង។ | ការអនុវត្តកិច ្ចសន្យារបស់យើងជាមួយអ្នក ផលប្រយោជន៍ស្របច្បាប់របស់យើង៖ វាគឺជាផលប្រយោជន៍ស្របច្បាប់របស់យើង និងសមាជិករបស់យើងក្នុងការរក្សាសុវត្ថិភាពសម្រាប់ពួកគេ ការការពារផលប្រយោជន៍សំខាន់ៗរបស់អ្នក និងរបស់សមាជិកផ្សេងទៀត ធានាសុវត្តិភាពរបស់អ្នក និងទប់ស្កាត់ការក្លែងបន្លំក្នុងដំណើរការកំណត់ និងការផ្ទៀងផ្ទាត់អត្តសញ្ញាណក្នុងប្រព័ន្ធអេឡិចត្រូនិក។ ការអនុលោមតាមកាតព្វកិច្ចផ្លូវច្បាប់ដែលអនុវត្តចំពោះយើង ដូចជាការលុបចោលខ្លឹមសារខុសច្បាប់ ការយល់ព្រមរបស់អ្នក (ដែលទិន្នន័យរសើប ឬប្រភេទទិន្នន័យផ្សេងទៀតដែលត្រូវការការយល់ព្រមត្រូវបានដំណើរការ) វិចារណកថាដែលចាំបាច់សម្រាប់ការការពារចំណាប់អារម្មណ៍សាធារណៈដ៏សំខាន់៖ វានៅក្នុងចំណាប់អារម្មណ៍សាធារណៈដ៏សំខាន់ដែលយើងបង្ការ ធ្វើការចាប់ និងប្រយុទ្ធប្រឆាំងនឹងសកម្មភាពខុសច្បាប់នៅលើ និងក្រៅវេទិការបស់យើង និងសហការយោគយល់ជាមួយអាជ្ញាធរវិភាគលើករណីដូចខាងលើ ការយល់ព្រមរបស់អ្នក (ទីដែលទិន្នន័យរសើប ឬប្រភេទទិន្នន័យផ្សេងទៀតដែលត្រូវការការយល់ព្រមត្រូវបានដំណើរការ) | ទិន្នន័យគណនី ទិន្នន័យប្រូហ្វាល់ ខ្លឹមសារ ទិន្នន័យការទិញ ទិន្នន័យភាគីទីបី ទិន្នន័យជំនួយអតិថិជន ទិន្នន័យប្រើប្រាស់ ទិន្នន័យបច្ចេកទេស ទិន្នន័យមុខ ទិន្នន័យអត្តសញ្ញាណ ស្ថិតិវិភាគ និងកាការសន្និដ្ឋាន |
ដើម្បីអនុលោមតាមច្បាប់ជាធរមាន បង្កើត អនុវត្ត និងការពារការទាមទារ និងសិទ្ធិស្របច្បាប់ រាប់បញ្ចូលទាំង៖ ការរក្សាទុកទិន្នន័យដើម្បីអនុលោមតាម និងបញ្ជាក់ភស្តុតាងនៃការអនុលោមតាមច្បាប់ជាធរមាន ការគាំទ្រការស៊ើបអង្កេត និងការការពារបណ្តឹងវិវាទ ចំណាត់ការផ្នែកនិយ័តកម្ម ឬវិវាទដែលអាចកើតមាន ឬកំពុងបន្ត ការឆ្លើយតបទៅនឹងសំណើស្របច្បាប់ពីផ្នែកអនុវត្តច្បាប់ តុលាការ និយ័តករ និងភាគីទីបីផ្សេងទៀត ការរាយការណ៍អំពីខ្លឹមសារដែលខុសច្បាប់ ឬបំពាន ទៅកាន់ផ្នែកអនុវត្តច្បាប់ រដ្ឋាភិបាល ឬអាជ្ញាធរផ្សេងទៀត ការបង្កើត អនុវត្ត ឬការពារការទាមទារដែលកំពុងបន្ត ឬទទួលបានការគំរាមកំហែង ការចែករំលែកទិន្នន័យជាមួយផ្នែកអនុវត្តច្បាប់ ឬដៃគូនានាដើម្បីប្រយុទ្ធប្រឆាំងនឹងអាកប្បកិរិយាបំពាន ឬខុសច្បាប់ | ផលប្រយោជន៍ស្របច្បាប់របស់យើង៖ វាគឺជាផលប្រយោជន៍ស្របច្បាប់របស់យើងក្នុងការអនុលោមតាមច្បាប់ជាធរមាន និងការពារខ្លួនយើង សមាជិករបស់យើង និងអ្នកផ្សេងទៀត រួមទាំងជាផ្នែកមួយនៃការស៊ើបអង្កេត នីតិវិធីផ្លូវច្បាប់ និងវិវាទផ្សេងៗទៀត ការការពារផលប្រយោជន៍សំខាន់ៗរបស់អ្នក និងរបស់សមាជិកផ្សេងទៀត ការអនុលោមតាមកាតព្វកិច្ចផ្លូវច្បាប់ដែលអនុវត្តចំពោះយើង ដូចជាការឆ្លើយតបទៅនឹងសំណើរបស់ ផ្នែកអនុវត្តច្បាប់ដែលស្នើសុំព័ត៌មាន | ប្រភេទទិន្នន័យដែលបានចែករំលែកនឹងប្រែប្រួលដោយផ្អែកលើកាលៈទេសៈជាក់លាក់ជុំវិញកាតព្វកិច្ចនីមួយៗ ផលប្រយោជន៍ ឬវិវាទសំខាន់ |
5. របៀបដែលយើងចែករំលែកទិន្នន័យ
ដោយសារគោលដៅរបស់យើងគឺដើម្បីជួយអ្នកក្នុងការបង្កើតទំនាក់ទំនងដ៏មានន័យ សមាជិកផ្សេងទៀតនៅលើសេវាកម្មគឺប្រាកដជាមើលឃើញព័ត៌មានមួយចំនួនរបស់អ្នក។ យើងក៏ចែករំលែកទិន្នន័យផងដែរជាមួយអ្នកផ្តល់សេវា និងដៃគូនានា ដែលជួយយើងក្នុងការប្រតិបត្តិការសេវាកម្ម ជាមួយបណ្តាក្រុមហ៊ុនផ្សេងទៀតរបស់ Match Group សម្រាប់ហេតុផលដែលបានរៀបរាប់ខាងក្រោម ហើយក្នុងករណីខ្លះ សម្រាប់ហេតុផលផ្លូវច្បាប់ និងដែលពាក់ព័ន្ធ។ សូមអានបន្តសម្រាប់ព័ត៌មានលម្អិតបន្ថែម។
អ្នកទទួល | ហេតុផលសម្រាប់ការចែករំលែក | ប្រភេទទិន្នន័យផ្ទាល ់ខ្លួន |
សមាជិកផ្សេងទៀត | អ្នកចែករំលែកព័ត៌មានជាមួយសមាជិកផ្សេងទៀត នៅពេលដែលអ្នកបញ្ចេញព័ត៌មានដោយស្ម័គ្រចិត្តអំពីសេវាកម្មនេះដើម្បីឱ្យអ្នកផ្សេងទៀតមើលឃើញ (ឧ. ប្រូហ្វាល់សាធារណៈរបស់អ្នក)។ មានន័យថាតួនាទីរបស់អ្នកនឹងអាចទទួលឃើញដោយអ្នកប្រើផ្សេងទៀតនៅក្នុងកម្មវិធី ហើយនេះអាចត្រូវបានចែករំលែកនៅពេលសមស្របនិងសមរម្យនៅក្នុងការប្រាស្រ័យទាក់ទងរបស់ Tinder ផ្សេងទៀត ដូចជាការចែករំលែករូបថតប្រូហ្វាល់ក្នុងសារអ៊ីមែល ឬសារជូនដំណឹងផ្សេងទៀតទៅកាន់ការផ្គូផ្គងដែលអាចកើតមាន។ ប្រសិនបើនរណាម្នាក់ដាក់បញ្ជូនការរាយការណ៍ដែលពាក់ព័ន្ធនឹងអ្នក (ដូចជាការអះអាងដែលថាអ្នកបានបំពានលើលក្ខខណ្ឌប្រើប្រាស់របស់យើង) យើងអាចនឹងជូនដំណឹងទៅអ្នករាយការណ៍ថាតើយើងបានចាត់វិធានការអ្វីខ្លះ ប្រសិនបើមាន តាមការរាយការណ៍របស់ពួកគេ។ វាក៏អនុវត្តដូចគ្នានេះដែរ ប្រសិនបើអ្នកដាក់បញ្ជូនការរាយការណ៍ដែលពាក់ព័ន្ធនឹងសមាជិកផ្សេងទៀត។ បើសមាជិកផ្សេងទៀតស្នើសុំច្បាប់ចម្លងនៃទិន្នន័យផ្ទាល់ខ្លួនរបស់ពួកគេ ពួកគេអាចទទួលបានសារដែលអ្នកបានផ្ញើឲ្យពួកគេ។ | ទិន្នន័យប្រូហ្វាល់ ខ្លឹមសារ ទិន្នន័យបណ្តាញសង្គម ទិន្នន័យភាគីទីបី ទិន្នន័យជំនួយអតិថិជន ទិន្នន័យប្រើប្រាស់ ស្ថិតិវិភាគ និងកាការសន្និដ្ឋាន |
អ្នកផ្តល់សេវា/ដៃគូ | យើងចែករំលែកទិន្នន័យជាមួយ អ្នកផ្គត់ផ្គង់សេវា និងដៃគូ ដែលជំនួយយើងដំណើរការ ផ្សព្វផ្សាយ និងកែលម្អសេវាកម្មរបស់យើង។ ពួកគេផ្តល់ឱ្យយើងនូវសេវាកម្មដូចជាការរក្សាទុកនិងថែទាំទិន្នន័យ ការវិភាគ ការថែទាំអតិថិជន ការធ្វើទីផ្សារ ការផ្សាយពាណិជ្ជកម្ម ការប្រតិបត្តិការទូទាត់និងការសងប្រាក់វិញ ជំនួយផ្នែកច្បាប់ និងប្រតិបត្តិការសន្តិសុខ។ ជាពិសេស យើងអាចប្រើឧបករណ៍ហ្វេសប៊ុកដូចជាការចូលហ្វេសប៊ុក Pixel វីដ្ដេអូបណ្ដាញសង្គម និង Facebook SDK សម្រាប់ព្រឹត្តិការណ៍កម្មវិធី។ នៅពេលប្រើឧបករណ៍ទាំងនេះ យើងត្រូវបានចាត់ទុកថាជា“អ្នកគ្រប់គ្រងទិន្នន័យរួម”ជាមួយ Meta Ireland។ ដើម្បីស្វែងយល់បន្ថែមអំពីរបៀបដែលហ្វេសប៊ុកដំណើរការទិន្នន័យរបស់អ្នក និងអនុញ្ញាតឱ្យអ្នកប្រើសិទ្ធិនានារបស់អ្នក សូមពិនិត្យមើល ហ្វេសប៊ុកអៀរឡង់ គោលការណ៍ឯកជនភាព។ នៅទីកន្លែងដែលច្បាប់ដែលអាចអនុវត្តបានអនុញ្ញាត យើងក៏អាចនឹងចែករំលែកទិន្នន័យជាមួយដៃគូ (ដូចជា ក្រុមហ៊ុនដែលជួបប្រទះគំរាមកំហែងស្រដៀងគ្នា) ហើយពួកគេអាចនឹងចែករំលែកទិន្នន័យជាមួយយើង នៅពេលចាំបាច់ដើម្បីផ្សព្វផ្សាយ បង្កើនសុវត្ថិភាព សន្តិសុខនិងភាពគោរពនឹងភាពត្រឹមត្រូវនៃសេវាកម្មរបស់យើង សមាជិករបស់យើង បុគ្គលិករបស់យើង និងម នុស្សដទៃទៀតផងដែរ។ | អាស្រ័យលើសេវាកម្មដែលបានផ្តល់ជូនដោយអ្នកផ្តល់សេវា ឬដៃគូ វាអាចនឹងរាប់បញ្ចូល៖ ទិន្នន័យគណនី ទិន្នន័យប្រូហ្វាល់ ខ្លឹមសារ ទិន្នន័យការទិញ ទិន្នន័យទីផ្សារ ស្ទង់មតិ និងស្រាវជ្រាវ ទិន្នន័យភាគីទីបី ទិន្នន័យជំនួយអតិថិជន ទិន្នន័យបណ្តាញសង្គម ទិន្នន័យប្រើប្រាស់ ទិន្នន័យបច្ចេកទេស ស្ថិតិវិភាគ និងកាការសន្និដ្ឋាន ទិន្នន័យទីតាំងភូមិសាស្ត្រ ទិន្នន័យធរណីមាត្រមុខ ទិន្នន័យអត្តសញ្ញាណ |
ដៃគូផ្សាយពាណិជ្ជកម្ម | យើងផ្សាយពាណិជ្ជកម្មអំពីផលិតផល និងសេវាកម្មរបស់អ្នកផ្សាយពាណិជ្ជកម្មភាគីទីបីនៅលើសេវាកម្មរបស់យើង ហើយផ្សាយពាណិជ្ជកម្មដែលផ្សព្វផ្សាយពីសេវាកម្មរបស់យើងផ្ទាល់នៅលើគេហទំព័រ និងកម្មវិធីរបស់ភាគីទីបី។ ដើម្បីជួយកែលម្អភាពពាក់ព័ន្ធនៃការផ្សាយពាណិជ្ជកម្មទាំងនេះ យើងផ្តល់ព័ត៌មានជាក់លាក់អំពីអ្នកដល់ភាគីទីបី រួមទាំងដៃគូផ្សាយពាណិជ្ជកម្មផងដែរ ឬអនុញ្ញាតឱ្យពួកគេប្រមូលទិន្នន័យបែបនេះពីសេវាកម្មរបស់យើង (ដូចជាតាមរយៈឃុកឃី, SDKs ឬបច្ចេកវិទ្យាស្រដៀងគ្នានេះ)។ ដៃគូផ្សាយពាណិជ្ជកម្មមួយចំនួនរបស់យើងអនុញ្ញាតឱ្យយើងបំប្លែងអាសយដ្ឋានអ៊ីមែល អង្គសម្គាល់ការផ្សាយពាណិជ្ជកម្ម ឬលេខទូរសព្ទរបស់អ្នក ទៅជាអង្គសម្គាល់មួយដែលមិនអាចប្រើដើម្បីកំណត់អត្តសញ្ញាណអ្នកដោយផ្ទាល់បានទេ ហើយបន្ទាប់មកប្រើអង្គសម្គាល់តែមួយគត់នោះដើម្បីដកអ្នកចេញពីយុទ្ធនាការធ្វើទីផ្សាររបស់យើង ឬដើម្បីកំណត់គោលដៅការផ្សាយពាណិជ្ជកម្មរបស់យើងចំពោះទស្សនិកជនដែលមានប្រវត្តិរូប ចំណាប់អារម្មណ៍ ឬការប្រើប្រាស់កម្មវិធីស្រដៀងគ្នានឹងអ្នក។ | ទិន្នន័យគណនី ទិន្នន័យប្រូហ្វាល់ ទិន្នន័យប្រើប្រាស់ ទិន្នន័យបច្ចេកទេស ស្ថិតិវិភាគ និងកាការសន្និដ្ឋាន |
បុត្រសម្ព័ន្ធ | យើងចែករំលែកទិន្នន័យជាមួយក្រុមហ៊ុនសម្ព័ន្ធ ឬទទួលទិន្នន័យពីពួកគេសម្រាប់គោលបំណងដែលមានចែងក្នុងផ្នែកទី 6 នៃគោលការណ៍នេះ។ | ប្រភេទទិន្នន័យនឹងប្រែប្រួលដោយផ្អែកលើហេតុផលសម្រាប់ការចែករំលែក ប៉ុន្តែវាអាចនឹងរាប់បញ្ចូល៖ ទិន្នន័យគណនី ទិន្នន័យប្រូហ្វាល់ ខ្លឹមសារ ទិន្នន័យការទិញ ទិន្នន័យទីផ្សារ ស្ទង់មតិ និងស្រាវជ្រាវ ទិន្នន័យភាគីទីបី ទិន្នន័យជំនួយអតិថិជន ទិន្នន័យបណ្តាញសង្គម ទិន្នន័យប្រើប្រាស់ ទិន្នន័យបច្ចេកទេស ស្ថិតិវិភាគ និងកាការសន្និដ្ឋាន ទិន្នន័យទីតាំងភូមិសាស្ត្រ ទិន្នន័យមុខ ទិន្នន័យអត្តសញ្ញាណ |
អាជ្ញាធរអនុវត្តច្បាប់ | យើងអាចនឹងចែករំលែកទិន្នន័យរបស់អ្នកដើម្បី៖ (i) អនុលោមទៅតាមដំណើរការផ្លូវច្បាប់ ដូចជា ដីកាតុលាការ ដីកាកោះសាក្សី ឬដីកាឆែកឆេរ ការស៊ើបអង្កេតរបស់រដ្ឋាភិបាល / ផ្នែកអនុវត្តច្បាប់ ឬលក្ខខណ្ឌតម្រូវផ្លូវច្បាប់ផ្សេងទៀត (ii) ជួយក្នុងការបង្ការ ឬរកឱ្យឃើញនូវបទល្មើសព្រហ្មទណ្ឌ (iii) ការពារសុវត្ថិភាពរបស់បុគ្គលណាម្នាក់ និង (iv) បង្កើត អនុវត្ត ឬការពារការទាមទារផ្លូវច្បាប់។ | ប្រភេទទិន្នន័យដែលបានចែករំលែកនឹងប្រែប្រួលអាស្រ័យលើកាលៈទេសៈជាក់លាក់ជុំវិញសំណើ ប៉ុន្តែជារឿយៗវាអាចរាប់បញ្ចូល៖ ទិន្នន័យគណនី ទិន្នន័យប្រូហ្វាល់ ខ្លឹមសារ ទិន្នន័យការទិញ ទិន្នន័យជំនួយអតិថិជន ទិន្នន័យភាគីទីបី ទិន្នន័យបណ្តាញសង្គម ទិន្នន័យប្រើប្រាស់ ទិន្នន័យបច្ចេកទេស ទិន្នន័យទីតាំងភូមិសាស្ត្រ ទិន្នន័យអត្តសញ្ញាណ |
នៅក្នុងបរិបទនៃការរួមបញ្ចូលគ្នា និងការទិញយក ជាមួយបុត្រសម្ព័ន្ធរបស់យើង ឬម្ចាស់ថ្មី(ៗ) | យើងអាចនឹងផ្ទេរព័ត៌មានរបស់អ្នក ប្រសិនបើយើងពាក់ព័ន្ធ មិនថាទាំងស្រុង ឬមួយផ្នែក នឹងការរួមបញ្ចូលគ្នា ការលក់ ការទិញយក ការបោះបង់ ការរៀបចំរចនាសម្ព័ន្ធឡើងវិញ ការរៀបចំអង្គភាពឡើងវិញ ការរំលាយ ការក្ស័យធន ឬការផ្លាស់ប្តូរកម្មសិទ្ធិ ឬការគ្រប់គ្រងផ្សេងទៀត។ | ប្រភេទទិន្នន័យដែលបានចែករំលែកនឹងប្រែប្រួលដោយផ្អែកលើប្រភេទនៃប្រតិបត្តិការសាជីវកម្ម។ វាអាចនឹងរួមបញ្ចូលទិន្នន័យស្ថាប័នទាំងមូល ឬសំណុំរងជាក់លាក់ប៉ុណ្ណោះ ដូចជាទិន្នន័យទិញ។ |
នៅពេលដែលមុខងារចែករំលែកប្រូហ្វាល់ត្រូវបានប្រើ | អ្នកអាចជ្រើសរើសក្នុងការចែករំលែកប្រូហ្វាល់របស់សមាជិកផ្សេងទៀត ហើយពួកគេអាចចែករំលែកប្រូហ្វាល់របស់អ្នកជាមួយមនុស្សនៅក្រៅសេវាកម្មរបស់យើង ដោយប្រើមុខងារចែករំលែក។ នៅពេលប្រើមុខងារចែករំលែកការណាត់ជួបរបស់ខ្ញុំ អ្នកអាចជ្រើសរើសក្នុងការចែករំលែកព័ត៌មានប្រូហ្វាល់និងព័ត៌មានលម្អិតនៃការផ្គូផ្គងរបស់អ្នកជាមួយសមាជិក Tinder ផ្សេងទៀត និងតាមរយៈភាគីទី 3 នៅខាងក្រៅវេទិកា។ ពួកគេអាចធ្វើដូចគ្នានេះជាមួយព័ត៌មានលម្អិតរបស់អ្នក។ | ទិន្នន័យប្រូហ្វាល់ ខ្លឹមសារ |
6. របៀបដែលបណ្តាក្រុមហ៊ុនរបស់ Match Group ធ្វើការរួមគ្នា
Tinder គឺជាផ្នែកមួយនៃចង្កោមអាជីវកម្មរបស់ Match Group។
យើងចែករំលែកទិន្នន័យអំពីអ្នកជាមួយក្រុមហ៊ុនបុត្រសម្ព័ន្ធរបស់យើង ហើយពួកគេចែករំលែកទិន្នន័យអំពីអ្នកជាមួយយើង សម្រាប់ហេតុផលដែលបានចែងដូចខាងក្រោម៖
ដើម្បីធ្វើឱ្យប្រព័ន្ធទាំងអស់របស់ Match Group កាន់តែមានសុវត្ថិភាព ដូចជាតាមរយៈការស្វែងរក និងកំណត់អត្តសញ្ញាណតួអង្គមិនល្អ និងរបៀបដែលពួកគេដំណើរការនៅទូទាំងប្រព័ន្ធរបស់ Match Group ក៏ដូចជាធ្វើឱ្យប្រាកដថា នៅពេលរកឃើញតួអង្គមិនល្អនៅលើប្រព័ន្ធណាមួយរបស់ Match Group (ឧទាហរណ៍ របស់យើង) ពួកគេអាចត្រូវបានហាមឃាត់ពីប្រព័ន្ធទាំងអស់។
ដើម្បីជួយគ្នាទៅវិញទៅមកក្នុងនាមជាអ្នកផ្តល់សេវាកម្ម ក្នុងប្រតិបត្តិការដំណើរការទិន្នន័យ ដូចជាការបង្ហោះ និងការថែរក្សាទិន្នន័យ ការថែទាំអតិថិជន ការធ្វើទីផ្សារ និងការផ្សាយពាណិជ្ជកម្មដែលកំណត់គោលដៅ ការវិភាគ ហិរញ្ញវត្ថុនិងគណនេយ្យ ជំនួយផ្នែកច្បាប់ ការដំណើរការការទូទាត់ប្រាក់ ការកែលម្អសេវាកម្ម សុវត្ថិភាពទិន្នន័យ និងការប្រយុទ្ធប្រឆាំងនឹងសារឥតបានការ ការរំលោភបំពាន ការក្លែងបន្លំ និងអំពើខុសឆ្គងផ្សេងទៀត។
ដើម្បីណែនាំឱ្យអ្នកនូវការតភ្ជាប់ទំនាក់ទំនងដែលពាក់ព័ន្ធ និងមានន័យ តាមរយៈការអភិ វឌ្ឍ ឬធ្វើឱ្យប្រព័ន្ធណែនាំស្នូលរបស់ម៉ាក Match Group ប្រសើរឡើង។
ដើម្បីបង្កើនឱកាសរបស់អ្នកក្នុងការកសាងទំនាក់ទំនងសំខាន់ៗជាមួយអ្នកផ្សេង យើងអាចនឹងធ្វើឱ្យគេមើលឃើញអ្នកនៅលើសេវាកម្មផ្សេងៗទៀតរបស់ Match Group ឬអនុញ្ញាតឱ្យអ្នកទទួលបានអត្ថប្រយោជន៍ពីបណ្ដាមុខងារឆ្លងប្រព័ន្ធ។
ក្នុងករណីដែល និងដូចដែលបានអនុញ្ញាតនៅក្រោមច្បាប់ជាធរមាន ដើម្បីយល់កាន់តែច្បាស់អំពីរបៀបដែលមនុស្សប្រើប្រាស់សេវាកម្ម Match Group ជារួម ដើម្បីកំណត់បទពិសោធប្រើប្រាស់របស់អ្នកឱ្យមានលក្ខណៈផ្ទាល់ខ្លួននៅទូទាំងសេវាកម្ម Match Group និងដើម្បីបង្កើនយុទ្ធនាការធ្វើទីផ្សារ និងផ្សាយពាណិជ្ជកម្ម។
សម្រាប់គោលបំណងអាជីវកម្មស្របច្បាប់ផ្សេងៗទៀត រាប់បញ្ចូលទាំងសវនកម្មសាជីវកម្ម / រួមបញ្ចូលគ្នា ការវិភាគ និងការរាយការណ៍។
ស្វែងយល់បន្ថែមអំពីរបៀបដែលបណ្តាក្រុមហ៊ុនរបស់ Match Group ធ្វើការរួមគ្នា។
7. ការផ្ទេរទិន្នន័យឆ្លងព្រំដែន
ដោយសារតែយើងប្រតិបត្តិសេវាកម្មសកល ការចែករំលែកទិន្នន័យរបស់អ្នកដែលមានចែងក្នុងផ្នែកទី 5 ពាក់ព័ន្ធនឹងការផ្ទេរទិន្នន័យឆ្លងព្រំដែនទៅកាន់បុត្រសម្ព័ន្ធ និងអ្នកផ្តល់សេវាកម្មរបស់យើង (ភាគីទីបីផ្សេងទៀត) នៅក្នុងប្រទេសទីបីដែលមានច្បាប់ស្តីពីឯកជនភាពខុសៗគ្នា។ នៅពេលដែលយើងផ្ទេរទិន្នន័យផ្ទាល់ខ្លួនទៅប្រទេសទីបី យើងប្រើប្រាស់យន្តការសមស្រប។ ឧទាហរណ៍ យើងពឹងផ្អែកលើ៖
សេចក្ដីសម្រេចស្ដីពីភាពគ្រប់គ្រាន់ក្នុងការការពារទិន្នន័យដែលចេញដោយគណៈកម្មការអឺរ៉ុប ឬអាជ្ញាធរមានសមត្ថកិច្ចនៅក្រ ោមច្បាប់ជាធរមាន។ យើងផ្ទេរទិន្នន័យផ្ទាល់ខ្លួនទៅបុត្រសម្ព័ន្ធរបស់យើង ដើម្បីអនុវត្តមុខងារសំខាន់ៗ ដូចដែលមានបញ្ជាក់នៅក្នុងផ្នែកទី 6 (តាមរយៈការរក្សាទុក ឬចូលប្រើប្រាស់ ឬដំណើរការទិន្នន័យ) និងទៅឲ្យភាគីទីបីនៅក្នុងប្រទេសដែលមានសេចក្ដីសម្រេចស្ដីពីភាពគ្រប់គ្រាន់ក្នុងការការពារទិន្នន័យ សម្រាប់គោលបំណងដែលបានបញ្ជាក់នៅក្នុងផ្នែកទី 5។
ខនៃកិច្ចសន្យាស្តង់ដា ដែលចេញដោយគណៈកម្មការអឺរ៉ុប ឬយន្តការផ្ទេរទិន្នន័យតាមកិច្ចសន្យាស្រដៀងគ្នា ដែលត្រូវបានអនុម័តដោយអាជ្ញាធរមានសមត្ថកិច្ចផ្សេងទៀតក្រោមច្បាប់ជាធរមាន។ យន្តការផ្ទេរទិន្នន័យតាមកិច្ចសន្យាទាំងនេះគឺជាការប្តេជ្ញារវាងក្រុមហ៊ុនដែលផ្ទេរទិន្នន័យផ្ទាល់ខ្លួន ដោយភ្ជាប់កាតព្វកិច្ចឱ្យពួកគេក្នុងការការពារភាពសម្ងាត់និងសុវត្ថិភាពនៃទិន្នន័យរបស់អ្នក និងធានាថាមានកម្រិតការពារគ្រប់គ្រាន់នៅក្នុងបណ្ដាប្រទេសទីបី។ យើងពឹងផ្អែកលើយន្តការទាំងនេះ ដើម្បីផ្ទេរទិន្នន័យផ្ទាល់ខ្លួនទៅឱ្យបុត្រសម្ព័ន្ធរបស់យើង ដើម្បីអនុវត្តមុខងារសំខាន់ៗ ដូចដែលមានបញ្ជាក់ក្នុងផ្នែកទី 6 (តាមរយៈការរក្សាទុក ចូលប្រើប្រាស់ ឬដំណើរការទិន្នន័យ) និងទៅឱ្យភាគីទីបីសម្រាប់គោលបំណងដែលមានបញ្ជាក់ក្នុងផ្នែកទី 5 នៅក្នុងប្រទេសដែលគ្មានសេចក្ដីសម្រេចស្ដីពីភាពគ្រប់គ្រាន់ក្នុងការការពារទិន្នន័យ ដូចជាសហរដ្ឋអាមេរិកជាដើម។ សូមទាក់ទងមកយើង ដើម្បីទទួលបានច្បាប់ចម្លង។
8. សិទ្ធិរបស់អ្នក
ដោយសារយើងចង់ឱ្យអ្នកអាចគ្រប់គ្រងទិន្នន័យរបស់អ្នកបាន យើងសូមរំលឹកអ្នកអំពីសិទ្ធិ ជម្រើស និងឧបករណ៍ដែលមានសម្រាប់អ្នកដូចខាងក្រោម៖ អាស្រ័យលើកន្លែងដែលអ្នករស់នៅ សិទ្ធិទាំងនេះអាចមិនត្រូវអនុវត្ដចំពោះអ្នក ឬអាចមានឈ្មោះខុសៗគ្នា។ ប្រសិនបើអ្នកមានសំណួរណាមួយអំពីសិទ្ធិរបស់អ្នក និងរបៀបអនុវត្តសិទ្ធិទាំងនោះ សូមទាក់ទងមកយើងនៅទីនេះ។
សិទ្ធិរបស់អ្នក | របៀបអនុវត្តសិទ្ធិ |
សិទ្ធិចូលប្រើ លទ្ធភាពយក ឬដឹង សិទ្ធិទទួលបានការជូនដំណឹងអំពីទិន្នន័យផ្ទាល់ខ្លួនដែលយើងដំណើរការអំពីអ្នក និង/ឬស្នើសុំច្បាប់ចម្លងរបស់វា | អ្នកអាចចូលប្រើ និងពិនិត្យមើលទិន្នន័យមួយច ំនួនដោយផ្ទាល់ ដោយចូលទៅក្នុងគណនីរបស់អ្នក។ អ្នកក៏អាចទាញយកច្បាប់ចម្លងនៃទិន្នន័យរបស់អ្នកបានដែរ ដោយធ្វើតាមដំណើរការដែលបានពន្យល់នៅទីនេះ។ |
ការកែប្រែ ឬការកែតម្រូវ សិទ្ធិក្នុងការកែប្រែ ឬធ្វើបច្ចុប្បន្នភាពទិន្នន័យផ្ទាល់ខ្លួនរបស់អ្នក នៅចំណុចដែលមិនត្រឹមត្រូវ ឬមិនពេញលេញ | អ្នកអាចធ្វើបច្ចុប្បន្នភាពទិន្នន័យរបស់អ្នកដោយផ្ទាល់នៅក្នុងសេវាកម្ម ដោយគ្រាន់តែធ្វើបច្ចុប្បន្នភាពប្រូហ្វាល់របស់អ្នក។ ប្រសិនបើអ្នកចង់កែប្រែទិន្នន័យផ្សេងទៀត សូមទាក់ទងមកយើងនៅទីនេះ។ |
ការលុបចោល ឬការដកចេញ សិទ្ធិក្នុងការលុបទិន្នន័យផ្ទាល់ខ្លួន | អ្នកអាចលុបទិន្នន័យមួយចំនួនដែលអ្នកបានផ្តល់ឱ្យយើងដោយផ្ទាល់នៅក្នុងសេវាកម្ម។ អ្នកក៏អាចបិទគណនីរបស់អ្នកបានដែរ ដូចដែលបានពន្យល់នៅទីនេះ ហើយយើងនឹងលុបទិន្នន័យរបស់អ្នកដូចដែលមានចែងក្នុងគោលការណ៍ឯកជនភាពនេះ។ នៅក្នុងកាលៈទេសៈណាក៏ដោយ អ្នកអាចទាក់ទងមកយើងបានជានិច្ចនៅទីនេះ។ |
ការបដិសេធ (ការផ្ដាច់ចេញ) ឬការរឹតបន្តឹង សិទ្ធិក្នុងការជំទាស់មិនឱ្យពួកយើងដំណើរការទិន្នន័យផ្ទាល់ខ្លួន ឬក្នុងការស្នើសុំឱ្យយើងឈប់ដំណើរការទិន្នន័យផ្ទាល់ខ្លួនជាបណ្តោះអាសន្ន ឬជាអចិន្ត្រៃយ៍ | អ្នកអាចផ្ដាច់ចេញពីការដំណើរការទិន្នន័យផ្ទាល់ខ្លួនរបស់អ្នកមួយចំនួនដោយផ្ទាល់នៅក្នុងការកំណត់គណនីរបស់អ្នក។ បើមិនដូច្នោះទេ អ្នកអាចទាក់ទងមកយើងនៅទីនេះ ប្រសិនបើអ្នកចង់ជំទាស់ ឬរឹតបន្តឹងលើការដំណើរការទិន្នន័យដែលយើងបានរៀបរាប់នៅក្នុងគោលការណ៍ឯកជនភាពនេះទាំងមូល។ |
ការដកការយល់ព្រម | អ្នកអាចដកការយល់ព្រមដោយផ្ទាល់ដែលអ្នកបានផ្តល់ឱ្យយើងដោយធ្វើបច្ចុប្បន្នភាពការកំណត់គណនីរបស់អ្នក ឬដកការអនុញ្ញាតឧបករណ៍ដែលអ្នកបានយល់ព្រម នៅក្នុងការកំណត់ឧបករណ៍របស់អ្នក (ឧ. ការចូលប្រើប្រភេទទិន្នន័យឧបករណ៍ជាក់លាក់ដូចជាទំនាក់ទំនងក្នុងទូរសព្ទ រូបភាព អង្គសម្គាល់ការផ្សាយពាណិជ្ជកម្ម និងសេវាកម្មទីតាំង ឬការយល់ព្រមដើម្បីទទួលសារជូនដំណឹងជំរុញ)។ នៅពេលអ្នកដកការយល់ព្រម សេវាកម្មមួយចំនួនអាចនឹងបាត់បង់មុខងារដំណើរការ។ អ្នកអាចទាក់ទងមកយើងបានជានិច្ចនៅទីនេះ សម្រាប់ព័ត៌មានបន្ថែម។ |
ផ្ដាច់ចេញពីការផ្សាយពាណិជ្ជកម្មដែលមានគោលដៅ, "ការលក់" និង "ការចែក រំលែក" ប្រសិនបើអ្នករស់នៅសហរដ្ឋអាមេរិក អ្នកអាចជ្រើសរើសផ្ដាច់ចេញពីសកម្មភាពដែលអាចស្ថិតក្រោមនិយមន័យផ្លូវច្បាប់នៃ "ការផ្សាយពាណិជ្ជកម្មដែលមានគោលដៅ" "ការលក់" ឬ "ការចែករំលែក" ក្រោមច្បាប់ជាធរមាន ប្រសិនបើយើងប្រើទិន្នន័យរបស់អ្នកសម្រាប់គោលបំណងទាំងនេះ។ | ប្រសិនបើយើង “លក់” ឬ “ចែករំលែក” ទិន្នន័យរបស់អ្នក ឬប្រើវាសម្រាប់ "ការផ្សាយពាណិជ្ជកម្មដែលមានគោលដៅ" យើងនឹងផ្តល់ជម្រើសផ្ដាច់ចេញនៅក្នុងតំណភ្ជាប់ “ជម្រើសឯកជនភាពរបស់អ្នក” នៅជើងទំព័រនៃគេហទំព័ររបស់យើង និងក្នុងម៉ឺនុយការកំណត់នៃកម្មវិធី។ ចុចប៊ូតុងបិទបើក “ការលក់ ឬចែករំលែកព័ត៌មានផ្ទាល់ខ្លួន” ដើម្បីផ្ដាច់ចេញ។ ប្រសិនបើអាចអនុវត្តបាន ភ្ជាក់ងារដែលទទួលបានសិទ្ធិអនុញ្ញាតអាចដាក់សំណើសុំផ្ដាច់ចេញតាងនាមឲ្យអតិថិជនបាននៅទីនេះ។ |
ដើម្បីការពារអ្នក និងសមាជិកទាំងអស់របស់យើង យើងអាចនឹងស្នើសុំព័ត៌មានពីអ្នកដើម្បីផ្ទៀងផ្ទាត់អត្តសញ្ញាណឬសិទ្ធិអនុញ្ញាតរបស់អ្នកក្នុងការធ្វើសកម្មភាពតាងនាមឲ្យសមាជិកណាម្នាក់ មុនពេលយើងអាចឆ្លើយតបនឹងសំណើខាងលើបាន។ យើងមិនចង់ឲ្យអ្នកផ្សេងគ្រប់គ្រងទិន្នន័យរបស់អ្នកទេ!
សូមចងចាំថា យើងអាចបដិសេធសំណើ (រួមទាំងករណីដែលយើងមិនអាចផ្ទៀងផ្ទាត់អត្តសញ្ញាណរបស់អ្នកបាន) ប្រសិនបើសំណើនោះខុសច្បាប់ ឬមិនត្រឹមត្រូវ ឬប្រសិនបើវាអាចជាការរំលោភបំពានលើការសម្ងាត់ពាណិជ្ជកម្ម ឬកម្មសិទ្ធិបញ្ញា ឬឯកជនភាព ឬសិទ្ធិផ្សេងទៀតរបស់នរណាម្នាក់ផ្សេងទៀត។ ប្រសិនបើអ្នកមានបំណងចង់ទទួលបានព័ត៌មានទាក់ទងនឹងសមាជិកផ្សេងទៀត សមាជិកផ្សេងទៀតនោះនឹងត្រូវធ្វើការស្នើសុំដោយខ្លួនឯង។
ប្រសិនបើអ្នកស្ថិតនៅក្នុងប្រទេសប្រេស៊ីល សូមទាក់ទងមកយើងខ្ញុំតាមរយៈអ៊ីមែល៖ dpobrazil@gotinder.com
ប្រសិនបើអ្នកជាអ្នករស់នៅក្នុងរដ្ឋអ៊ីនឌីយ៉ាណា, ខិនថាកឃី, រ៉ូតអាយឡិនដ៍, ម៉ារីលែន, ថេនេស៊ី, មីននីសូតា , ដេឡាវែរ, អាយអូវ៉ា, នេប្រាស្កា, ញូវហាំស្សឺ, ញូវជឺស៊ី, តិចសាស់, អូរ៉េហ្គោន, ម៉ុនតាណ, វឺជីនៀ, ខូឡូរ៉ាដូ ឬ ខន់និជទីខាត់ សហរដ្ឋអាមេរិក ប្រសិនបើយើងបដិសេធសំណើសុំឯកជនភាពរបស់អ្នកនោះ អ្នកអាចប្តឹងតវ៉ាដោយទាក់ទងមកយើង ហើយយោងយ៉ាងច្បាស់លាស់ទៅលើ "បណ្តឹងតវ៉ាសំណើសុំឯកជនភាព"។ ប្រសិនបើអ្នកមានកង្វល់អំពីលទ្ធផលនៃការប្តឹងតវ៉ារបស់អ្នកនោះ អ្នកអាចទាក់ទងអគ្គរដ្ឋអាជ្ញាសម្រាប់រដ្ឋរបស់អ្នក។
នៅក្នុងប្រទេសមួយចំនួន រួមទាំងក្នុងតំបន់សេដ្ឋកិច្ចអឺរ៉ុប និងចក្រភពអង់គ្លេស អ្នកមានសិទ្ធិទាមទារសំណងតាមផ្លូវច្បាប់ និងដាក់ពាក្យបណ្តឹងទៅអាជ្ញាធរការពារទិន្នន័យសមស្រប ប្រសិនបើអ្នកមានការព្រួយបារម្ភអំពីរបៀបដែលយើងដំណើរការព័ត៌មានផ្ទាល់ខ្លួនរបស់អ្នក។ អ្នកអាចស្វែងរកព័ត៌មានអំពីនិយតករការពារទិន្នន័យរបស់អ្នកក្នុងតំបន់សេដ្ឋកិច្ចអឺរ៉ុបនៅទីនេះ និងក្នុងចក្រភពអង់គ្លេសនៅទីនេះ។ អ្នកអាចដាក់ពាក្យបណ្តឹងជាមួយអាជ្ញាធរការពារទិន្នន័យ ដែលអាចស្ថិតនៅកន្លែងដែលអ្នករស់នៅធម្មតា កន្លែងដែលអ្នកធ្វើការ ឬកន្លែងដែលការរំលោភបំពានបានកើតឡើង។
9. រយៈពេលដែលយើងរក្សាទុកទិន្នន័យរបស់អ្នក
យើងចង់ឱ្យទំនាក់ទំនងដែលអ្នកបង្កើតឡើងតាមរយៈសេវាកម្មរបស់យើងនៅស្ថិតស្ថេរជារៀងរហូត ប៉ុន្តែយើងរក្សាទុកទិន្នន័យផ្ទាល់ខ្លួនរបស់អ្នកក្នុងរយៈពេលដែលចាំបាច់សម្រាប់មូលហេតុស្របច្បាប់ (ដូចមានចែងក្នុងផ្នែកទី 4) ប៉ុណ្ណោះ និងតាមការអនុញ្ញាតដោយច្បាប់ជាធរមាន។
ប្រសិនបើអ្នកសម្រេចចិត្តឈប់ប្រើប្រាស់សេវាកម្មរបស់យើង អ្នកអាចបិទគណនីរបស់អ្នក ហើយសមាជិកផ្សេងទៀតនឹងលែងមើលឃើញប្រូហ្វាល់របស់អ្នកទៀតហើយ។ ប្រសិនបើអ្នកបង្កើតគណនីថ្មីដោយប្រើព័ត៌មានផ្ទៀងផ្ទាត់ដូចគ្នាក្នុងរយៈពេល 90 ថ្ងៃ យើងនឹង ស្ដារទិន្នន័យមួយចំនួនឡើងវិញ ដើម្បីជួយអ្នកឱ្យចាប់ផ្តើមបានលឿនជាងមុន។ សូមចំណាំថា យើងនឹងបិទគណនីរបស់អ្នកដោយស្វ័យប្រវត្តិ ប្រសិនបើអ្នកអសកម្មរយៈពេលពីរឆ្នាំ។
បន្ទាប់ពីការបិទគណនី យើងលុបទិន្នន័យរបស់អ្នកដូចដែលបានបង្ហាញខាងក្រោម៖
ដើម្បីការពារសុវត្ថិភាព និងសន្តិសុខនៃសមាជិករបស់យើង យើងអនុវត្តចន្លោះពេលរក្សាទុកព័ត៌មានរយៈពេលបីខែ បន្ទាប់ពីគណនីត្រូវបានបិទ ឬមួយឆ្នាំបន្ទាប់ពីគណនីត្រូវបានហាមឃាត់។ ក្នុងអំឡុងពេលនេះ យើងរក្សាទិន្នន័យរបស់អ្នកដើម្បីស៊ើបអង្កេតការប្រព្រឹត្តខុសច្បាប់ ឬដែលបង្កគ ្រោះថ្នាក់។ ការរក្សាទុកទិន្នន័យក្នុងអំឡុងចន្លោះពេលរក្សាសុវត្ថិភាពនេះ គឺផ្អែកលើផលប្រយោជន៍ស្របច្បាប់របស់យើង ក៏ដូចជារបស់ភាគីទីបីដែលអាចជាជនរងគ្រោះ។
យើងរក្សាទុកទិន្នន័យមានកម្រិត ដើម្បីអនុលោមតាមកាតព្វកិច្ចរក្សាទុកទិន្នន័យស្របច្បាប់៖ ជាពិសេស យើងរក្សាទុកទិន្នន័យប្រតិបត្តិការសម្រាប់រយៈពេល 10 ឆ្នាំ ដើម្បីអនុលោមតាមលក្ខខណ្ឌតម្រូវផ្លូវច្បាប់លើពន្ធដារនិងគណនេយ្យ ព័ត៌មានកាតឥណទានសម្រាប់រយៈពេលដែលអ្នកប្រើអាចនឹងតវ៉ាចំពោះប្រតិបត្តិការនោះ និង “ទិន្នន័យចរាចរណ៌” / កំណត់ត្រាសម្រាប់រយៈពេលមួយឆ្នាំ ដើម្បីអនុវត្តតាមកាតព្វកិច្ចរក្សាទុកទិន្នន័យស្របច្បាប់។ យើងក៏រក្សាទុកផងដែរនូវកំណត់ត្រានៃការយល់ព្រមដែលសមាជិកទាំងឡាយផ្តល់ឱ្យយើង សម្រាប់រយៈពេលប្រាំឆ្នាំ ដើម្បីអនុលោមតាម និងបញ្ជាក់ភស្តុតាងអំពីការអនុលោមតាមច្បាប់ជាធរមានរបស់យើង។
យើងរក្សាទុកទិន្នន័យមានកម្រិតដោយផ្អែកលើផលប្រយោជន៍ស្របច្បាប់របស់យើង៖ យើងរក្សាទុកកំណត់ត្រាផ្នែកថែទាំអតិថិជនជាមួយអ្នក សម្រាប់រយៈពេល 6 ឆ្នាំ គិតចាប់ពីកាលបរិច្ឆេទនៃការប្រាស្រ័យទាក់ទង កំណត់ត្រាផ្នែកថែទាំអតិថិជននិងទិន្នន័យគាំទ្រ ក៏ដូចជាទីតាំងមិនជាក់លាក់នៃការទាញយក/ការទិញ សម្រាប់រយៈពេលប្រាំឆ្នាំ ជាការគាំទ្រដល់កិច្ចខិតខំប្រឹងប្រែងផ្នែកសុវត្ថិភាពរបស់យើង ដើម្បីគាំទ្រដល់ការសម្រេចចិត្តទាក់ទងនឹងការថែទាំអតិថិជនរបស់យើង អនុវត្តសិទ្ធិរបស់យើង និងអាចឱ្យយើងការពារខ្លួនបានក្នុងករណីមានការទាមទារ។ យើងរក្សាទុកព័ត៌មានអំពីអត្ថិភាពនៃគណនី និងការជាវកន្លងមក សម្រាប់រយៈពេលបីឆ្នាំ បន្ទាប់ពីការបិទគណនីចុងក្រោយរបស់អ្នក ដើម្បីធានាបាននូវការរាយការណ៍ និងការព្យាករផ្នែកហិរញ្ញវត្ថុដែលត្រឹមត្រូវ និងសមស្រប។ យើងរក្សាទុកទិន្នន័យប្រូហ្វាល់សម្រាប់រយៈពេលមួយឆ្នាំ ដោយរំពឹងថាអាចនឹងមានបណ្តឹងវិវាទ សម្រាប់ការបង្កើត ការអនុវត្ត ឬការការពារចំពោះការទាមទារផ្លូវច្បាប់ និងរក្សាទុកទិន្នន័យចាំបាច់ដើម្បីទប់ស្កាត់សមាជិកដែលត្រូវបានហាមឃាត់មិនឱ្យបើកគណនីថ្មី ដរាបណាមានការចាំបាច់ ដើម្បីធានាសុវត្ថិភាព និងផលប្រយោជន៍សំខាន់ៗនៃសមាជិករបស់យើង។
"ទិន្នន័យមុខ" នឹងត្រូវបានលុបក្នុងរយៈពេល 30 ថ្ងៃ លើកលែងតែការរក្សាទុកបន្តគឺជាការចាំបាច់ដើម្បីអនុលោមតាមកាតព្វកិច្ចច្បាប់ដែលពាក់ព័ន្ធ ឬដើម្បីធានាសន្តិសុខ និងសុវត្ថិភាពរបស់សេវាកម្ម និងសមាជិករបស់យើង ក្នុងវិសាលភាពដែលអនុញ្ញាតដោយច្បាប់ជាធរមាន។ អ្នកអាចស្វែងយល់បន្ថែមអំពីរបៀបដែល Tinder ដំណើរការនិងរក្សាទុក "ទិន្នន័យមុខ" នៅក្នុងសេចក្ដីជូនដំណឹងដែលអនុវត្តចំពោះមុខងារនីមួយៗ ដែលបានភ្ជាប់នៅផ្នែកទី 3 ខាងលើ។
ជាចុងក្រោយ យើងរក្សាទិន្នន័យដោយឈរលើមូលដ្ឋាននៃផលប្រយោជន៍ស្របច្បាប់របស់យើង ក្នុងករណីដែលមានបញ្ហា ការទាមទារ ឬវិវាទមិនទាន់ដោះស្រាយ ឬអាចកើតមាន ដែលតម្រូវឱ្យយើងរក្សាទុកទិន្នន័យ ជាពិសេសប្រសិនបើយើងទទួលបានដីកាកោះ ឬសំណើស្របច្បាប់ត្រឹមត្រូវ ដែលស្នើឱ្យយើងរក្សាទុកទិន្នន័យ (ដែលក្នុង ករណីនេះ យើងនឹងត្រូវរក្សាទុកទិន្នន័យដើម្បីអនុលោមតាមកាតព្វកិច្ចផ្លូវច្បាប់របស់យើង) ឬប្រសិនបើទិន្នន័យនោះជាទិន្នន័យចាំបាច់ដែលជាផ្នែកមួយនៃនីតិវិធីផ្លូវច្បាប់។
ក្នុងករណីសមស្រប និងត្រូវបានអនុញ្ញាតដោយច្បាប់ យើងអាចរក្សាទុក និងប្រើប្រាស់ទិន្នន័យដែលមិនអាចកំណត់អត្តសញ្ញាណអ្នក ឬបង្ហាញលក្ខណៈជាក់លាក់ទាក់ទងនឹងអ្នក សម្រាប់គោលបំណងដូចដែលបានពណ៌នានៅក្នុងគោលការណ៍ឯកជនភាពនេះ រួមទាំងដើម្បីកែលម្អសេវាកម្មរបស់យើង និងបង្កើតមុខងារ បច្ចេកវិទ្យា និងសេវាកម្មថ្មីៗ រួមទាំងតាមរយៈការរៀនរបស់ម៉ាស៊ីន ហើយរក្សាសេវាកម្មរបស់ Match Group ឱ្យមានសុវត្ថិភាពផងដែរ។
ចំណាំ៖ បើគណនីរបស់អ្នកត្រូវបានផ្អាក ប្រូហ្វាល់របស់អ្នកមិនត្រូវបានមើលឃើញលើ Tinder ទេ ប៉ុន្តែយើងនៅតែរក្សាទុកទិន្នន័យរបស់អ្នក ព្រោះគណនីរបស់អ្នកនឹងត្រូវស្តារឡើងវិញនៅចុងបញ្ចប់រយៈពេលផ្អាក។ នៅពេលនោះ អ្នកអាចបន្តប្រើ Tinder ឡើងវិញ ឬលុបគណនីរបស់អ្នក ប្រសិនបើអ្នកចង់។ អ្នកក៏អាចទំនាក់ទំនងមកយើងដើម្បីស្នើឱ្យលុបគណនី និងទិន្នន័យរបស់អ្នក មុនរយៈពេលផ្អាកបញ្ចប់ផងដែរ។ នៅពេលណាគណនីរបស់អ្នកត្រូវបានបិទ (រួមទាំងក្នុងករណីដែលអ្នកមិនបានចូលគណនីក្នុងរយៈពេល 2 ឆ្នាំបន្ទាប់ពីរយៈពេលផ្អាក) ទិន្នន័យរបស់អ្នកនឹងត្រូវបានលុបដូចដែលបានពណ៌នាខាងលើ។
10. ឯកជនភាពរបស់កុមារ
សេវាកម្មរបស់យើងត្រូវបានកម្រិតឱ្យប្រើប្រាស់សម្រាប់បុគ្គលដែលមានអាយុចាប់ពី 18 ឆ្នាំឡើងទៅប៉ុណ្ណោះ។ យើងមិនអនុញ្ញាតឱ្យបុគ្គលដែលមានអាយុក្រោម 18 ឆ្នាំប្រើប្រាស់ថ្នាលកម្មវិធីរបស់យើងទេ។ ប្រសិនបើអ្នកសង្ស័យថាសមាជិកណាម្នាក់មានអាយុក្រោម 18 ឆ្នាំ សូមប្រើយន្តការរាយការណ៍ដែលមាននៅលើសេវាកម្ម។ អ្នកអាចស្វែងយល់បន្ថែមអំពីការអនុវត្តរបស់ Tinder ក្នុងការផ្ ទៀងផ្ទាត់អាយុនៅទីនេះ។
11. ការកែប្រែគោលការណ៍ឯកជនភាព
គោលការណ៍នេះនឹងមានការផ្លាស់ប្តូរតាមពេលវេលា។ យើងតែងតែស្វែងរកវិធីថ្មីៗ និងប្រកបដោយភាពច្នៃប្រឌិត ដើម្បីជួយអ្នកក្នុងការកសាងទំនាក់ទំនងដ៏មានន័យ និងខិតខំធ្វើយ៉ាងណាដើម្បីរក្សាបច្ចុប្បន្នភាពនៃសេចក្តីពន្យល់អំពីការអនុវត្តរបស់យើងចំពោះទិន្នន័យ។ យើងនឹងជូនដំណឹងទៅអ្នក នៅមុនពេលការកែប្រែជាសារវន្តណាមួយចូលជាធរមាន ដើម្បីឱ្យអ្នកមានពេលវេលាក្នុងការពិនិត្យមើលការកែប្រែទាំងឡាយនោះ។
12. របៀបទាក់ទងមកយើងខ្ញុំ
ប្រសិនបើអ្នកមានសំណួរអំពីគោលការណ៍ឯកជនភាពនេះ ឬចង់បញ្ជូនពាក្យបណ្តឹង អ្នកមានជម្រើសផ្សេងៗដូចខាងក្រោម៖
ប្រសិនបើអ្នករស់នៅក្នុងតំបន់សេដ្ឋកិច្ចអឺរ៉ុប៖
តាមអនឡាញ៖ ទីនេះ
តាមប្រ ៃសណីយ៍៖
មន្ត្រីការពារទិន្នន័យ
MTCH Technology Services Limited
Tinder
1 Hatch Street Upper
Dublin 2
Dublin
D02 PY28
Ireland
ប្រសិនបើអ្នករស់នៅក្នុងចក្រភពអង់គ្លេស៖
តាមអនឡាញ៖ ទីនេះ
តាមប្រៃសណីយ៍៖
តំណាង GDPR នៅចក្រភពអង់គ្លេស៖ Prighter Group
20 Mortlake Mortlake High Street,
London, SW14 8JN,
United Kingdom
ព័ត៌មានលម្អិតអំពីតំណាង និងវិញ្ញាបនបត្រតំណាងនៅចក្រភពអង់គ្លេស មាននៅទីនេះ។
ប្រសិនបើអ្នករស់នៅក្នុងប្រទេសស្វីស៖
តាមអនឡាញ៖ ទីនេះ
តាមប្រៃសណីយ៍៖
Prighter Group GmbH
Obergrundstrasse 17,
6002 Luzern,
Switzerland
ព័ត៌មានលម្អិតអំពីតំណាង និងវិញ្ញាបនបត្រតំណាងនៅប្រទេសស្វីស មាននៅទីនេះ។
សម្រាប់ព័ត៌មានបន្ថែមអំពីរបៀបទាក់ទងមន្ត្រីការពារទិន្នន័យ សូមចុចទីនេះ
ប្រសិនបើអ្នករស់នៅក្នុងប្រទេសជប៉ុន៖
តាមអនឡាញ៖ ទីនេះ
តាមប្រៃសណីយ៍៖
Data Protection Officer
MG Japan Services GK
c/o Tinder, LLC
8750 North Central Expressway
Suite 1400
Dallas, TX 75231
United States
ប្រសិនបើអ្នករស់នៅប្រទេសប្រេសុីល៖
Data Controller: GEP Soluções em Compliance
អ្នកទទួលខុសត្រូវ: Maurício José Ribeiro Rotta
ផ្ញើអ៊ីមែលទៅកាន់៖ dpobrazil@gotinder.com
ប្រសិនបើអ្នករស់នៅក្នុងប្រទេសកាណាដា៖
អនឡាញ៖ ទីនេះ
សម្រាប់ព័ត៌មានអំពីរបៀបទាក់ទងការិយាល័យការពារទិន្នន័យរបស់ Tinder សូមមើលសំណួរដែលសួរញឹកញាប់នៅទីនេះ។
តាមប្រៃសណីយ៍៖
Data Protection Officer
Tinder, LLC
8750 North Central Expressway
Suite 1400
Dallas, TX 75231
United States
ប្រសិនបើអ្នករស់នៅក្រៅតំបន់សេដ្ឋកិច្ចអឺរ៉ុប ចក្រភពអង់គ្លេស ស្វីស កាណាដា ជប៉ុន និងប្រេស៊ីល៖
តាមអនឡាញ៖ ទីនេះ
តាមប្រៃសណីយ៍៖
Data Protection Officer
Tinder, LLC
8750 North Central Expressway
Suite 1400
Dallas, TX 75231
United States
មានតែប៉ុណ្ណឹងទេ! អ្នកបានមើលគោលការណ៍ឯកជនភាពរបស់យើងអស់ហើយ។ យើងសង្ឃឹមថា វាងាយស្រួលអាន និងច្បាស់លាស់សម្រាប់អ្នក។ តស់ចូលប្រើវា និងបង្កើតការចងចាំមួយចំនួនឥឡូវនេះ! យើងខ្ញុំរំភើបរីករាយដែលបានផ្តើមការធ្វើដំណើរនេះជាមួយអ្នក។