Wat om te Rapporteer
Wanneer jy iemand op Tinder moet rapporteer en wanneer nie.
Veiligheid is vir ons 'n topprioriteit by Tinder, en ons wil hê jy moet ons laat weet van enige verdagte gedrag wat jy sien. Nie almal het goeie bedoelings nie. En om tienmiljoene gebruikers op die toepassing te hê, beteken dit sal beslis 'n paar vrot appels insluit. Om ons rapporteringsproses selfs nog meer doeltreffend te maak, moet ons almal weet wanneer jy iemand op Tinder moet rapporteer en wanneer nie.
Ons diverse, kleurryke gemeenskap onderskei ons van ander afspraaktoepassings — en ons is dol daaroor. Terwyl jy hier is, sal jy naby wees aan mense uit verskillende soorte agtergronde. Dink aan ons as 'n bloeiende metropool met mense van oral, soos New York maal 100. En tree op soos egte New Yorkers: as jy iets sien, sê iets. Jy sal nie net verhoed dat ander gebruikers slagoffer van soortgelyke gedrag word nie, maar jy sal ook ons ore en oë wees wanneer ons nie sigbaar is nie. Help om ons gemeenskap veilig te hou deur voorvalle te rapporteer wat in stryd met ons gemeenskapsriglyne is.
Sonder om verder tyd te mors, hier is wat jy oor rapportering moet weet.
Aanlyn
Jy is hier om kontakte te maak, nie geld nie, en as enigiemand jou vir jou finansiële inligting vra, moet jy dit vir hulle sê — en ons ook laat weet. Ons wil weet as iemand persoonlike inligting in hulle profiel verskaf of dit van jou vra.
Rapporteer beslis teistering op en buite die toepassing.
Ons neem alle rapportering van teistering ernstig op, en jy moet ook. Maar ons weet nie of iemand jou teister as julle die kontak van lyn af voortsit nie. As iemand teisterboodskappe aan jou op of buite die toepassing stuur, laat weet ons, dan sal ons dit verder voer.
Moenie mense rapporteer wat nie jou boodskappe beantwoord nie.
Soms kry jy nie 'n boodskap terug van iemand met wie jy pasmaats is nie, wat jou laat wonder waarom hulle in die eerste plek met jou pasmaats gemaak het. Of hulle belangstelling verloor het, per ongeluk 'n pasmaat geword het of koue voete gekry het — jy sal nooit weet nie. Troos jouself deur uit te reik en nuwe pasmaats te maak in plaas daarvan om hulle te rapporteer.
Rapporteer beslis enige seksueel eksplisiete inhoud wat sonder jou toestemming gestuur is.
Ons doen ons bes om in te gryp as ons voel 'n boodskap is onvanpas op die toepassing, maar mense het verskillende grense. As iemand seksueel eksplisiete inhoud sonder jou toestemming aan jou stuur, moet jy weet dat jy hulle aan ons kan rapporteer, selfs al het julle die gesprek buite die toepassing voortgesit. Maak seker jy kanselleer hulle as pasmaats en blokkeer hulle van enige ander plek waar hulle jou dalk ook gekontak het.
Moenie mense op grond van ras, geslag of seksuele oriëntasie rapporteer nie.
Nie almal in jou lys van potensiële pasmaats gaan soos jy lyk of dieselfde oortuigings hê nie. As jy nie in iemand belang stel nie omdat hulle swart, trans of biseksueel is, raai wat? Jy kan die Linksvee-beweging gebruik om hulle oor te slaan en na die volgende persoon te beweeg. Vertrou ons, al wat jy sal doen deur mense op grond van hul identiteit te rapporteer, is dat jy vir ons sal wys dat jy eintlik maar 'n poephol is.